Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gernika-Lumoko Udalak (Bizkaia) 6.300 euroko laguntza onartu du herri palestinarrarentzat


2009-02-05 13:31

BILBO, 5 (EUROPA PRESS)

Gernika-Lumoko Udalak (Bizkaia), Gizarte Ekintza Sailaren bitartez, 6.300 euroko laguntza zuzendu du Gazan palestinarrak sufritzen ari diren krisi humanitarioa arintzeko asmoz. Kopuru hau garapenerako laguntzen barruan larrialdietarako duen aurrekontuaren zati bat da eta Gazako ospitaleetako oinarrizko botika eta gutxieneko ekipamenduak lortzera zuzenduko da.

Ekarpena bertan lanean ari den Munduko Medikuak Gobernuz Kanpoko Erakundearen bitartez bideratuko da. Ohikoa den legez, larrialdiko laguntza hau dirurik irabazteko asmorik ez duten erakundeen bitartez banatuko da, horrela bermatzen delako populazioaren beharrizanak asetzeko zuzenduko dela.

Gernikako Udal Gobernu Taldeak Gazako gatazkaren kontrako erabateko gaitzespen irmoa adierazi du, eta bi estatuen arteko gatazkaren behin betiko amaiera eskatu du bake akordioaren bitartez. Horrez gain, eperik laburrenean su-etena lortzeko nazioarteko komunitateak egin duen deialdiari jaramon egitea eskatu dute, horrela Palestinako populaziora laguntza humanitarioa helarazi ahal izateko.


253 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin