Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gazteei zuzendutako Sareko Euskarazko Produktuen Katalogoa argitaratu dute berriro


2009-01-21 13:56

BILBO, 21 (EUROPA PRESS)

Udako Euskal Unibertsitateak (UEU) 16 eta 26 urte bitarteko gazteei zuzendutako sareko euskarazko produktuen katalogoa argitaratu dute berriro, Bizkaiko Foru Aldundiko iturriek jakinarazi dutenez.

2006ko abenduan kaleratu zen lehen aldiz katalogoa eta UEUk osatu zuen, Eusko Jaurlaritza, Bizkaiko Foru Aldundi eta Alkarbideren laguntzaz eta Euskaltelen babesaz. Izandako arrakastaren ostean, UEUk lehenengo argitalpena eguneratu eta osatu dute -oraingoan Arabako Foru Aldundiak ere parte hartu du- eta 2009an Bizkaiko 35 udalerritan 10.000 ale baino gehiago banatuko dira.

Sareko Euskarazko Produktuen Katalogoa 16 eta 26 urte bitarteko gazteentzat prestatu da eta helburua Interneten dauden euskarazko produktuei buruzko informazioa gazteengana hurreratzea da.

81 produktu bildu dira katalogo honetara, bi atal nagusitan banatuta. Lehenengo atalean, Sarean Blai izenekoan, ondoko honi buruzko informazioa agertzen da: euskarazko softwarea, baliabideak, blogak euskaraz egiteko tresnak, denbora-pasarako jolasak, txateatzeko guneak, mugikorrentzako erremintak, musikari buruzko webguneak, aldizkari elektronikoak, sareko irratiak, informazio orokorreko guneak, zinea zein sukaldaritzari lotutakoak eta beste hainbat gune.

Bigarren atalean, Ikusi eta Ikasi izenekoan, hezkuntzarekin lotutako baliabideen informazioa batu da. Besteak beste, apunteak, liburuak eta ariketak dituzten guneak, hiztegiak eta entziklopediak, datu-baseak, liburutegietako katalogoak eta ikas-baliabideak daude orriotan.

LIBURUXKA ETA CD

Sareko Euskarazko Produktuen Katalogoak liburuxka formatua dauka, eta CD bat darama barruan. CDak liburuxkan ageri den informazio guztia dakar, baita webguneen zuzeneko lotura ere, nabigazioa errazte aldera.

Euskaraz bizitzen laguntzeko asmoz egindako katalogo hau Bizkaiko 35 udalerritan banatuko da: Alonsotegi, Abanto-Zierbena, Arrigorriaga, Balmaseda, Basauri, Enkarterriko Udalen Mankomunitatea, Ermua, Galdakao, Gernika-Lumo, Getxo, Gordexola, Laukiz, Leioa, Lemoa, Maruri-Jatabe, Muskiz, Ortuella, Sestao, Uribe Kostako Zerbitzu Mankomunitatea, Zaldibar, Zierbena eta Zornotza. Guztira, 10.000 ale baino gehiago banatuko dira.

Sareko Euskarazko Produktuen Katalogoa hainbat erakunderen ekimena da. Egitasmoaren sustatzaileak Bizkaiko 20 udaletako eta 2 mankomunitateko euskara zerbitzuak dira (guztira, 35 udalerri). Udako Euskal Unibertsitateak bildu du kaleratzen den informazioa eta Eusko Jaurlaritzaren, Bizkaiko Foru Aldundiaren, Alkarbideren eta Arabako Foru Aldundiaren laguntzaz argitaratu da.


877 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin