Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gazte bat atxilotu dute Lasarten armak legez kontra eduki eta informatika eta ikus-entzunezko materiala lapurtzeagatrik


2006-10-18 16:54

DONOSTIA, 18 (EUROPA PRESS)

Hernaniko Ertzainetxeko agenteek 19 urteko J.V.B. atxilotu zuten atzo Lasarten, armak legez kontra edukitzeagatik eta informatika eta ikus-entzunezko materiala lapurtzeagatik. Atxilotuak pistola bat, bideo eta argazki-kamerak, eta ordenagailu bat zituen furgonetan, eta ez zuen material horren jatorria argitu.

Eusko Jaurlaritzako Herrizaingo Sailaren arabera, atzo gaueko 23,20an, Mercedes Benz furgoneta bat ikusi zuen patruila batek Lasarten, eta barruan zihoazenen jarrerak susmoa piztu zuen agenteengan. Hortaz, hiru bidaiariak identifikatu eta ibilgailua miatu zuten. Pistola bat, hiru labana (bi tamaina handikoak), bideo-kamera bat, bi argazki-kamera eta eskuko ordenagailu bat aurkitu zituzten.

Susmagarriek ezin izan zuten azaldu material horren jatorria; batek esan zuenez, bere anaia zen furgoneta horren ohiko gidaria eta hark utzi zion ibilgailua. Horren aurrean, agenteek hiru lagun horiek Poliziaren egoitzara eraman zituzten, gauzak argitzeko.

Han zeudela, J.V.B. ibilgailuaren ohiko gidaria harremanetan jarri ziren, Hernaniko polizia-etxera joan zedin. Lagun horrek ezin izan zuen materialaren jatorriari buruzko azalpen koherenterik eman eta atxilotu egin zuten, armak legez kontra edukitzeagatik eta lapurreta delitu batengatik.

Bestalde, pistolaren eta informatika eta ikus-entzunezko materialaren jatorria ikertzen ari dira Hernaniko Ertzainetxeko agenteak. Frogatu ahal izan dutenez, furgonetan aurkitutako Pentium ordenagailu eramangarria atzo goizean ostu zuten Usurbilgo enpresa baten bulegoan. Atxilotuak polizi aurrekariak ditu eta, beharrezko izapideak amaitu ostean, epailearen esku utziko dute.


360 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin