Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gazte bat atxilotu dute Bilbon higiezinekin ustez 23.000 euroko iruzurra egitearren


2006-09-05 17:23

BILBO, 5 (EUROPA PRESS)

Bilboko Ertzainetxeko agenteek 26 urteko gizonezko bat atxilotu zuten atzo Bilbon maula delitua egotzita. Bi salaketetan agertzen denaren arabera, higiezinen agentzia baten izenean 18.000 eta 5.000 euroko aurrerakinak kobratu zizkien etxebizitza bera erosi nahi zuten bi lagunei. Antza denez, etxebizitza ez zegoen salgai higiezinen agentzia horretan.

Herrizaingo Sailaren arabera, salatzaileek eskainitako datuen arabera, bi lagunek pisu baten erosketa adostu zuten Bilboko higiezinen agentzia batean lan egiten zuen atxilotuarekin. Erosketa-erreserba moduan, lagunetako batek 6.000 eta 12.000 euroko aurrerakinak ordaindu zituen eta bertan behera geratu zen kontratu bat sinatu zuen.

Bigarren salatzaileak 5.000 euroko aurrerakina ordaindu zuen etxebizitza beraren erosketagatik. Bi lagunek aitzakia ugari jaso zituzten, kontua luzatu egin zen eta ez zituzten notario aurrean eskriturak sinatu.

Bi salatzaileek abuztuan salatu zuten gertatutakoa. Antza denez, etxebizitzaren jabeak higiezinen agentzia horrekin lan egiteari utzi zion, etxebizitzaren salmenta baztertuta. Ikerketan jakin zenez, akusatuak beste lagun bat erabili zuen etxebizitzaren benetako jabetzat aurkezteko. Ertzaintzak etxebizitzaren jabe faltsuari deklarazioa hartu zion inputatu gisa.

Bitartean, gertaeren ustezko egilea aurkitzen saiatu ziren, higiezinen agentzia abuztutik itxita zegoelako. Azkenean, atzo (astelehena) agenteek H.G.V. aurkitu eta atxilotu zuten, higiezinen maula egotzita. Eginbide polizialak bukatutakoan, epailearen esku utziko dute atxilotua.

Ertzaintzak ikerketa egiten jarraitzen du eta kasu berean kaltetu gehiago egon daitezkeenez, Bilboko Ertzainetxeko Maula taldeak kasua irekita mantentzen du (salaketa gehiago egon daitezke).


146 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin