Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gazte bat atxilotu dute Barakaldon zorro bat eta denda bateko kutxa erregistratzailetik 1.500 lapurtzeagatik


2006-11-30 17:09

BILBO, 30 (EUROPA PRESS)

Sestaoko Ertzainetxeko agenteek B.M. 21 urteko gizonezkoa atxilotu zuten atzo Barakaldon, denda batean lapurreta egin eta zorro bat osteagatik. Dendako lapurreta azaroaren 9an egin zuen, eta 1.500 euro ostu zituen kutxa erregistratzailetik, Ertzaintzaren arabera.

Azaroaren 9an, Sestaoko Ertzainetxean salaketa egin zuten egun horretan Barakaldoko arropa-denda batean 1.500 euro ostu zituztela-eta. Gazte batek, ugazabandrea beste bezero batekin zegoela baliatuz, kutxa erregistratzailean zegoen dirua ostu eta korrika ihes egin zuen. Ezin izan zuten harrapatu.

Atzo arratsaldeko 16,00ak aldera, denda horretako ugazabandreak lapurra ikusi zuen Barakaldoko Miranda Etorbidean, emakumezko baten zorro batekin lasterka. Geroxeago, gelditu eta zorroa miatzen hasi zen. Salatzailea, orduan, lokal batean sartu zen eta Ertzaintza ohartarazteko eskatu zuen. Gainera, gizonezko bati B.M. susmagarriari eusteko eskatu zion, zorroa paperontzi batean bota eta alde egitera baitzihoan.

Minutu batzuk geroago, polizia-auto bat agertu zen, eta, gertakari guzti horiek ezagutu bezain laster, B.M. atxilotu zuten. Atxilotua (beste lau aldiz atxilotu du Ertzaintzak) epailearen esku geratuko da Ertzaintzak eginbide guztiak amaitzen dituenean.


224 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin