Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gaur jarriko dira martxan Metro Bilbaoko Algortako geltokiko eskailera mekanikoak


2006-11-16 13:22

BILBO, 16 (EUROPA PRESS)

Metro Bilbaok Algortako geltokiko Telletxeko sarrera itxiko du asteburuan, beirateko kristal berriak ipintzeko, baina eskailera mekanikoak konponduta daude dagoeneko, eta normaltasun osoz funtzionatzen ari dira gaur.

Geltoki honetako bezeroak Bolue kaletik sartuko dira kaietara. Mugitzeko arazorik daukaten pertsonek ere metro zerbitzua erabilgarri izango dute, Algortako plazan dagoen igogailuari esker. Bi konponketa hauetarako 100.000 euro inguru gastatu behar izan dira, Metro Bilbaoko iturriek gaur jakinarazi dutenez.

Bi instalazioetako aldagaiak jaso eta gero, konpainiako teknikariek guztira 12 kristal jarriko dituzte asteburuan. Larunbatean eta igandean, 8,30etik 19,30etara bitartean, gutxi gorabehera, sarrera itxita egongo da; ordu horretan berriro irekiko da. Astelehenean, hilak 20, instalazioaren azken erremateak egingo dira.

Aldagai berriak Algortako jaietan gertaturiko erasoetatik hiru hilabete eta erdi igaro direnean jarriko dira. Epe honetan hornitzaileek piezak neurrira egin behar izan dituzte, halako egituren fabrikazio epea gutxienez hiru hilabetekoa izaten baita.

Beiren gainera jaurtitako gauza desberdinen kolpeen ondorioz, erasoen biharamunean, Metro Bilbaoko hainbat langilek babes sareak jarri behar izan zituzten, zerbitzuaren erabiltzaileek pasatzean arriskurik ez izateko, eta egitura hori gaur arte ipinita egon da.

Eraso haiek gertatu zirenetik, Metro Bilbaoren kalkuluen arabera, milioi bat bezero inguruk erabili dute geltoki hau eta eskailera mekanikoen erosotasunik gabe moldatu behar izan dute.


117 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin