Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Garraio enpresa bati ustez estortsioa egin dion gizon bat atxilotu dute Irunen (Gipuzkoa)


2009-02-06 14:46

DONOSTIA, 6 (EUROPA PRESS)

Ertzaintzaren agenteek gauean gizonezko bat atxilotu zuten atzo gauean Irunen (Gipuzkoa) ustezko estortsio delitu bat leporatuta. Erandiotik (Bizkaia) Alemaniako herri batera garraio bat egiteko kontratatu zuten atxilotua eta ustez enpresa estortsionatu zuen, eta garraioa adostutako epean entregatzearen truke 8.000 euro eskatu zizkion enpresari.

Merkantzia Irunen utzi zuten lau egun beranduago baina, kamioilari portugaldarra ez zuten aurkitu. Atzo, Irunen jazotako istilu batzuen ondorioz identifikatu zuten eta atzeman egin zuten ustezko estortsio delitua leporatuta, Eusko Jaurlaritzako Herrizaingo Sailak gaur jakinarazi duenez.

2007ko abenduaren hasieran jazo zen guztia. Garraio enpresa batek, Portugaleko enpresa baten bidez, herrialde bereko garraiolari bat kontratatu zuen. Erandiotik Alemaniako herri batera garraio bat egitea zen bere lana. Eraman beharreko merkantzia hori (trokelgintzako pieza batzuk) abenduaren 3 eta 4an entregatu behar zituen.

Garraiolari ez zen egun horietan entrega egitera azaldu eta egun batzuk beranduago, Irungo garraio enpresako gerentearekin harremanetan jarri eta 8.000 euro eskatu zizkien esku artean zeukan merkantzia entregatzearen truke. Egun hartan bertan, gertakaria Ertzaintzaren aurrean salatu zuten enpresako erantzuleek. Merkantzia zeraman atoia abenduaren 7an aurkitu zen baina kamioilariak ihes egin zuen.

Atzo gauean bizilagun batek Ertzaintzari dei egin zion bi garraiolariren arteko liskarra salatzeko. Ustez, erregai txartel batzuk eta kamioi bat ostu izana zen errietaren arrazoia. Lapurreta hauek Portugalen salatuak izan ziren. Bi kamioilarietako bat identifikatu zutenean, agenteek, 2007an burututako ustezko estortsio delitu bat leporatuta atxilotu zuten.


491 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin