Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Galeako gotorlekuaren garbiketa 26.500 eurotan esleitu du Getxoko Udalak, lanak datorren maiatzerako amaitu asmoz


2006-02-24 12:35



BILBO, 24 (EUROPA PRESS)

Getxoko Udalak Galeako gotorlekuaren edo Printzearen Gazteluaren garbiketa lanak esleitu dizkio Aranzadi Zientzietako elkarteari 26.500 eurotako zenbatekoan. Lanak egiteko epea bi hilabetekoa da eta horregatik Udalak uste du datorren maiatzerako eginda egongo dela, udal iturrien esanetan.

Galeako gotorlekua monumentu-multzotzat dago hartuta baina oraindik ez dago zehaztuta zein arautegiren arabera zaindu behar den. 1742. urtean eraikita, hasiera batean 16 kanoi izan omen zituen eta Bizkaiko Jaurerriak altxatu zituen gotorlekuen artean garrantzitsuenetako bat izan zen.

Getxoko Udalak Gotorlekuan ostalaritzako establezimendu bat martxan jartzea nahi du baina edozein jarduerari ekin baino lehen, Eusko Jaurlaritzako Kultura Departamenduko Arte Ondareko Zuzendaritzak egokitzat jo du zenbait ekintza aurrera eramatea gune horretan, Iñaki Zarraoak, Getxoko Alkateak prentsaurrekoan azaldutakoaren arabera.

Lan horiek dira aste honetan esleitu dituztenak eta horien artean arkeologo batek zuzendutako garbiketa berezitua eta zenbait aspektu historikoak, tartean horma batzuen eta biltegi baten ustezko egotea aztertzea daude. Azkenik, gotorlekuaren hasierako egitura ezagutu ahal izateko, lur azpikoa ere aztertuko dute, ikerketa batzuen bitartez.


212 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin