Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gaitek, Innotek eta NETs teknologia bultzatzeko programek ia 49 milioi euroko aurrekontua izango dute 2009rako


2009-02-03 14:42

GASTEIZ, 3 (EUROPA PRESS)

Eusko Jaurlaritzako Industria, Merkataritza eta Turismo Sailak proposatuta, teknologia bultzatzera zuzenduriko Gaitek, Innotek eta NETs programen aurtengo deialdia egiteari oniritzia eman dio qaur Gobernu Kontseiluak. Hiru egitasmoentzako aurrekontu osoa 48.810.180 eurokoa izango da.

Gaitek programaren helburua da produktu berrien garapen hutsera bideratutako proiektuak egin daitezen bultzatzea eta, era horretan, enpresen lehiakortasuna hobetzea, produktu berriak garatzeko ikerketa, garapen eta berrikuntza teknologikoko jarduerak biltzen dituzten proiektuen sustapenaren bidez.

Programa, enpresei (enpresa handiei eta ETEei), fundazioei, enpresa-elkarteei eta enpresen arteko taldeei zuzenduta dago, eta 2009. urteko deialdirako bere aurrekontua 22.200.000 eurokoa izango da.

Bestalde, Innotek programak dagoeneko badauden produktuak nabarmen hobetzera edota prozesu berriak nabarmen hobetzera bideratutako garapen teknologikoko eta berrikuntzako proiektuak egin daitezen bultzatzen du. Enpresei (enpresa handiei eta ETEei), fundazioei, enpresa-elkarteei eta enpresen arteko taldeei zuzenduta dago, eta bere aurrekontua 22.300.000 eurokoa izango da.

Azkenik, NETs programaren xedea merkatura daitekeen jakintza erabiltzera edo sortzera bideratutako ikerketa, garapen eta berrikuntza teknologikoko proiektuak sustatzea da, oinarri teknologikoa duten enpresa berriak sor daitezen.

Enpresei (enpresa handiei eta ETEei), fundazioei, enpresa-elkarteei, enpresen arteko taldeei, eta Zientzia, Teknologia eta Berrikuntzarako Euskal Sareko agenteei zuzenduta dago. NETs programaren 2009ko deialdirako aurrekontua 4.310.180 eurokoa da.


255 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin