Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Gabonetako Kontzertu Koralak izango dira bihar Bilboko Maria Auxiliadoraren Parrokian eta Jesuiten Egoitzan


2006-12-21 12:11

BILBO, 21 (EUROPA PRESS)

Bilboko Udalaren Kultura eta Euskara Sailak antolatzen dituen Gabonetako Kontzertu Koralek urtea agurtuko dute azken kontzertuekin. Horrela, bihar Maria Auxiliadora-Deustuko Salesianos Parrokian abestuko dute Otxarkoaga Abesbatzak, Arraizpe Abesbatzak eta San Antonio de Iralabarri Abesbatzak; Abandoko Jesuiten Egoitzan, aldiz, Lagundi Abesbatza, Garaizarko Matsorriak eta A.C. Jatorki abesbatza arituko dira.

Antolakuntzako iturriek gaur jakinarazi dutenez, emanaldiak iluntzeko 20,15ean hasiko dira doako sarrerarekin eta publikoari errepertorio oso zabala eskainiko diete, Gabonetako kantak, konposizio klasikoak, abesti herrikoiak eta eliz musika barne.

Honela, Maria Auxiliadora Parrokia Otxarkoaga Abesbatza, Arraizpe Abesbatza eta San Antonio de Iralabarri Abesbatzaren eszenatokia bihurtuko da Eladio Montiel, J. López Arberas eta Jordi Albera, eta Maite Zuguzagaren zuzendaritzapean, hurrenez hurren, eta guztira 13 konposizio interpretatuko dituzte, hala nola, H. Bittrichen Festejo de Navidad, A. Adamsen Cantique de Nöel edota Hator Hator ezaguna.

Ordu berean, baina Jesuiten Egoitzan, interesatuek beste kontzertu koral batez gozatzeko aukera izango dute Lagundi Abesbatza, Garaizarko Matsorriak eta Nere Arregi bakarlaria duen A.C. Jatorki taldeekin. Mikel NDomg, J.A. Kalzada eta Marian Urriolaren zuzendaritzapean tradiziozko Gabon kantak abestuko dituzte, Adeste Fideles edo Campana sobre Campana bezalakoak, eta beste obra batzuk ere F. Zabalaren Goazen danok edo Haurtxoa magalean modukoak, besteak beste.

Bestalde, Gabonetako Kontzertu Koralen programazioa datorren ostiralean bukatuko da, abenduak 29, beste kontzertu birekin. Biak 20,15ean hasiko dira eta doako sarrera izango dute.

Interesatuak Abandoko Asisko San Frantziskora (Bosgarren Parrokia) hurbildu daitezke eta Mikel Deuna Abesbatza, Mendaski Abesbatza eta Inmakuladako Abeslariak Víctor Diego, S. San José eta Javier Urrutikoetxea zuzentzen dituztenak, besteak beste, errepertorio oso zabala aurkeztuko dute F. Aguadoren Felicitación cantada bezala, Gloria in excelsis egile ezezagunekoa, M. Leontovichek Carol of the bells edo A. Intxaustiren Birjiña maitea.

Bestetik, Atxuriko Jaunaren Gizakundea parrokia izango da Alberto Saladok zuzentzen duen Txori Kantari Abesbatzaren eszenatokia, baita Juan José Apariciok zuzentzen duen Otxote Bilbao Argia eta J.A. Roblesen zuzendaritzapean abestuko duen Coro de Ingenieros de Bilbao abesbatzarena ere. Hauek ohikoak diren kantak abestuko dituzte bai euskaldunak baita andaluziarrak ere, eta ingelesak eta alemanak.

Gabonetako Kontzertu Koralen programa, urtero Bilboko Udalaren Kultura eta Euskara Sailak antolatzen duena, abenduaren 15ean hasi zen eta helburua egun seinalatu hauetan musika kontzertu tradizionalak eskaintzea eta bilbotarrei kalitate handiko kultur ekitaldiak ekartzea da.


229 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin