Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Francisco J. Ayala biologo ospetsuak eboluzionisten eta kreazionisten arteko ezbaia aztertuko du bihar Bilbon


2009-02-11 11:33

BILBO, 11 (EUROPA PRESS)

Francisco J. Ayala, sorterriz espainiarra den biologo iparamerikarra, kreazionisten kritikari eta Darwinen defendatzaile sutsua bihurtu dena, Bilbon izango da bihar Charles Darwinen jaiotzaren 200. urteurrena ospatzeko Bidebarrieta Kulturgunean antolatu den hitzaldi zikloaren bigarren hitzaldian.

Darwin y el diseño inteligente: creacionismo, cristianismo y evolucion izenburupean, 19:30etan hasiko da Ayalaren hitzaldia Bidebarrietako ekitaldi aretoan doako sarrerarekin edukiera bete arte -300 eserleku inguru-. Bere azalpenaren ondoren, galdera-erantzunen txanda zabalduko da bertaratutako publikoaren artean. Juan Ignacio Perez EHUko Filosofiako katedradunak aurkeztuko du hizlaria, antolatzaileek adierazi dutenez.

XX. mendean espezieen eboluzioaren teoriak izan zuen oniritziaren aurrean -erlijio korronte nagusienen ordezkari espiritualen aldetik ere-, azken urteetan kreazionismoaren korrontea garatu da, Genesia liburuko interpretazio estua defendatzen duena, gizakia beste animalia espezieen ondorengoak garela ukatzen duena eta gizakiaren jatorria jainkotasunaren sormen-ekintza baten ondorioa dela defendatzen duena. Korronte honek AEBetako zenbait sekta protestanteen artean aurkitu du babesa, eta zenbait eskoletako testu-liburuetatik eboluzioaren teoria ezabatzea ere lortu dute.

Francisco J. Ayala irakaslea (Madril, 1934), dominikar erlijioso ohia, zientzia ikerlaria eta, 1961etik AEBetan lan egiten duena, prestakuntzaz biologoa da, genetikan aditua. Halaber, Kaliforniako Unibertsitateko irakaslea da eta Bill Clintonen zientzia aholkularia izan zen bere agintaritzan. Gainera, Zientziaren Aurrerapenerako Amerikar Elkarteko presidentea (AAAS) ere bada.

Ayalak eskainiko duen hitzaldia Bilbon Charles Darwinen jaiotzaren 200. urteurrena ospatzeko antolatu den hitzaldi-zikloaren baitan dago. Hiriburura diziplina zientifiko ezberdinetako nazioarteko hainbat ikerlari ekarriko ditu hitzaldi zikloa. Zikloa lau hitzaldik osatzen dute eta Espezieen Eboluzioaren Teoria izango da ardatz.

Hitzaldi zikloa Bilboko Udaleko Kultura eta Hezkuntza Sailak, Euskal Herriko Unibertsitateak (EHU), El Correo-k, Circulo Esceptico-k, EHUko Biofisika sailak, CSICek eta CIC bioGUNE-k elkarlanean antolatu dute. Izan ere, ingeles zientzilariaren 200. urteurrena izateaz gain, bere teoria ezagun eta iraultzailearen argitalpenaren 150. urteurrena ere bada aurten: Espezieen Jatorria.


309 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin