Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Francisco de la Hoz, Ekaitz Agirregoitia, Oroitz Jauregi eta Ane Larrinaga, Euskarazko Tesien KM sarien irabazle


2009-02-13 17:41

DONOSTIA, 13 (EUROPA PRESS)

Francisco de la Hoz Mendez, Ekaitz Agirregoitia, Oroitz Jauregi eta Ane Larrinaga izan dira Euskarazko Tesien Koldo Mitxelena Sarien irabazleak, Zientzia Esperimentalen, Osasun Zientzien, Humanitateen eta Gizarte Zientzien modalitateetan, hurrenez hurren.

Hala jakinarazi dute gaur DOnostian eskainitako prentsaurrekoan Iñaki Goirizelaia Euskal Herriko Unibertsitateko (EHU) errektoreak, Andres Urrutia euskaltzainburuak eta Jon Irazusta EHUko Euskara errektoreordeak.

Euskarazko Tesien Koldo Mitxelena Sariak bi urterik behin ematen dira eta bost modalitate biltzen ditu, aipaturiko bostak eta aurten saridunik gabe geratu den Ikasketa Teknikoarena hain zuzen ere.

Iñaki Goirizelaiak agerraldian azaldu duenez, Euskal Herriko Unibertsitateak eta Euskaltzaindiak elkarlanean antolatzen duten sariketara 2005-2006 eta 2006-2007 ikasturteetan egin eta defendatu ziren tesiak aurkeztu dira.

Gainera, Tesi Europarra bezala aurkezturikoak ere onartu dira, baldin eta erabilitako hizkuntza bat euskara izan bada eta aho batez cum laude kalifikazioa lortu badu.

Goirizelaiak gogoratu du urtero 200dik gora tesi aurkezten direla Euskal Herriko Unibertsitatean, eta haietako asko euskaraz eginda daudela azpimarratu du.

Bestalde, Andres Urrutia euskaltzainburuak nabarmendu du Koldo Mitxelena Sariekin tesi hauek dakarten ekarpen bikoitza azpimarratu nahi dela, hau da, alde batetik, eduki zientifikoen zabalkundeari eginiko ekarpena eta, bestalde, euskararen normalizazioaren prozesuan duten nahitaezko egitekoa.


456 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin