Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Fernando Morillok euskarara itzuli du Cristopher Paoliniren Eragon liburua


2006-12-20 13:05

BILBO, 20 (EUROPA PRESS)

Fernando Morillo azpeitiarrak euskarara itzuli du Cristopher Paoliniren Eragon liburua, Elkar argitaletxeko iturriek prentsa ohar bidez gaur jakinarazi dutenez.

Liburu honen idazle gazteak Alagaësia izena jarri dio berak sortu duen lurralde fantastikoari. Liburuaren hasieran, lurralde horren mapa zehatza eta zabala azaltzen dio irakurleari, eta 15 urteko mutiko txiro bat aurkitzen du hor irakurleak.

Eragon du izena mutil gazteak. Basoan harribitxi bat aurkitzen duenean, zorte onaren jabe izango dela pentsatzen du, hari esker negua igarotzeko behar duen haragia erosi ahal izango duela. Hala ere, Eragonek harribitxia zela uste zuen hura arrautza berezi bat da, eta dragoikume bat jaioko da handik.

Aurrerantzean, Saphira dragoi emea Eragonen lagun mina izango da. Biek elkarrekin arrisku handiak gainditu beharko dituzte, bizirik atera nahi badute, magiaz eta botere ezkutuez betetako mundu ezezagun batean.

Dragoiz, aztiz eta heroiz betetako istorio zoragarria da Eragon. Hasieratik murgiltzen du irakurlea Alagaësiako mundu fantastikoan, eta kosta egingo zaio handik irtetea.

Cristopher Paolinik fantasia eta zientzia fikzioa maite izan ditu beti. 15 urterekin bigarren hezkuntzako ikasketak bukatu eta Eragon idazten hasi zen; 19 urte zituela, liburu hori, AEBtan salduenetako bat izatera iritsi zen. Montanan (AEB) bizi da, eta, hain zuzen, hango paisaietan inspiratu zen Alagaësiako mundu fantastikoa sortzeko. Eragon da Oinordekotza izeneko trilogiaren lehenengo liburua, eta Eldest bigarrena. Gaur egun, egile gazte honek trilogiako hirugarren liburua idazten dihardu buru-belarri.

Fernando Morillo (Azpeitia, 1974) Filosofian lizentziatua da eta fisika ikasketak ere eginak ditu. Sari ugari jaso ditu, eta, besteak beste, Euskadi Saria eman zioten gazte-literaturaren alorrean. Orain arte hainbat eleberri kaleratu ditu: Bila nazatela, Sexu egunsentiak, Bihotz nahasiak, Izar malkoak, Ortzadarra sutan, Eta ni zer?, Gloria Mundi edo Dragoiaren orroa*.


307 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin