Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EuskoTrenen tren, tranbia eta funikularren tarifa berriak %3,91eko igoera izango dute gaurtik aurrera


2009-01-01 13:10

BILBO, 1 (EUROPA PRESS)

Eusko Jaurlaritzako Garraio eta Herri Lan Sailaren esku dagoen EuskoTren sozietate publikoak eskaintzen dituen tren, tranbia eta funikular zerbitzuen tarifa berriak gaur sartu dira indarrean, legea betez, tarifa berri horiek Euskal Herriko Aldizkari Ofizialean argitaratu eta gero. Tarifen batez besteko igoera %3,91koa izango da.

Tarifak, Euskadiko Administrazio Publikoak, sindikatuek eta kontsumitzaileen eta erabiltzaileen elkarteek eratutako Euskadiko Prezioen Batzordeak baimendu ditu, EuskoTreneko iturriek jakinarazi dutenez.

Horrela, gaurtik aurrera tarifa berriak izango dituzten EuskoTrenen eta EuskoTranen lineak honakoak izango dira: Deustu-Lezama (Txorierri); Bilbo-Donostia; Bilbo-Bermeo (Urdaibai);Lasarte Oria-Hendaia (Topoa); Larreinetako Funikularra; Bilboko tranbia (EuskoTran).

EuskoTrenen tarifa politikaren irizpideak konpainiaren programa estrategikoan oinarritzen dira. Programa horrek garapen iraunkorra sustatzea bilatzen du, gizarteak garraio publikoarekin izan behar duen konpromisoaren eta ekologiaren ikuspegitik arduratsuak izango diren ohituren ezarpenaren bitartez.

Informazio gehiago behar duten pertsonek prezio berriak kontsulta ditzakete geltokietan eta geralekuetan, Bezeroen Arretarako Bulegoetan (Atxuriko eta Amarako BAT-OAC), 902 54 32 10 telefono zenbakian eta www.euskotren.es eta www.euskotran.es webguneetan.


462 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin