Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskotrenek guztira 787 tren jarriko ditu abian Bilboko Aste Nagusiko bederatzi gauetan


2006-08-16 13:24

Bestalde, abuztuaren 19tik 27ra bitartean, tranbiak egunean 22 orduko zerbitzua eskainiko du

BILBO, 16 (EUROPA PRESS)

EuskoTren, Eusko Jaurlaritzaren Garraio eta Herri Lan Sailaren menpe dagoen sozietate publikoak, Bilboko Aste Nagusiko gauetan, abuztuaren 19tik 27ra bitartean, guztira, 787 tren abian jarriko ditu, prentsa-ohar bidez arduradunek jakinarazi dutenez.

EuskoTrenek Urdaibai, Durangaldea eta Txorierri lineetarako prestaturiko zerbitzuei esker, bidaiariek garraiobide eroso, azkarra eta eraginkorra eskuragarri izango dute hiriburuko jaiak lasaitasunez goza ahal izateko.

Gauerditik aurrera, Zamudio, Gernika, Bermeo, Zaldibar edota Durangoko herritarrek Bilborako trena orduan behin izango dute. Ariz-Basauri, Lemoa edota Amorebieta geralekutik gertu bizi direnek ordu erdiko maiztasuna izango dute.

Bestalde, Bilboko tranbiak, EuskoTranek, 22 orduko zerbitzua eskainiko du Aste Nagusiko egun bakoitzean. Horrela bada, abuztuaren 19tik 27ra bitartean, zerbitzua goizeko 7,30ean hasi eta goizaldeko 5,08ak arte ibiliko da.

Argibide gehiago nahi duten erabiltzaileek ohiko geltokian eska ditzakete ordutegiak, EuskoTreneko (www.euskotren.es) zein EuskoTraneko (www.euskotran.es) web-orrialdeak kontsultatu edota informazio telefonoa erabili: 902 543 210.


454 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin