Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EuskoTrenek aste honetan bukatuko du Lurrun Trenen 2006ko denboraldia, lau zirkulazioa eskainiz


2006-10-30 12:04

BILBO, 30 (EUROPA PRESS)

EuskoTrenek aste honetan eskainiko ditu Azpeitian dagoen Trenaren Euskal Museoaren instalazioen eta Lasaoren artean 2006ko denboraldian eskainiko dituen Lurrun Trenen azkeneko lau zirkulazioak. Asteazkenean, jai eguna izanda, zirkulazio bat eskainiko da eguerdiko 12,30etan; larunbatean bi zirkulazio izango dira, 12,30etan eta 18,00etan; eta igandean beste zirkulazio bat izango da, eguerdiko 12,30etan.

Zerbitzua balio historiko handia duen material mugikorrez eskaintzen da, EuskoTreneko iturriek prentsa-ohar bidez gaur gogoratu dutenez.

Azpimarratzekoak dira Aurrera lokomotora (100 urte baino gehiagokoa), Espinal (1887an eraikia, funtzionatzen duen Europa osoko metro zabaleko trenbideko makinarik zaharrena); Portugal (trenbide estuko lurrun lokomotora indartsuena, Estatuan funtzionatzen duten guztien artean); eta Euzkadi (1921ean eraikia eta duela denbora gutxi berriztatua, iparraldeko metro bateko zabalerako eredu esanguratsuenetakoa da).

Bidaiarien kotxeen artean aipatzekoak dira Pagoa eta Aritza izenekoak, 1925ean Urolako Trenbiderako eraikiak, eta Museoak jaso duen azkenekoa, Bidasoako trenbideko C-5 bidaiarien kotxea, 1915ean eraikia.

Lurrun Trenen ohiko denboraldia amaitu ondoren, azken aukera bat egongo da urte honetan balio historiko handia duten tren konposizio bitxi horiez gozatzeko, EuskoTrenen Museoak, abenduan izango den Konstituzioaren eta Sortzez Garbiaren Zubia dela eta eskainiko dituen zerbitzu bereziei esker.

Bestalde, asteazkenean, azaroaren 1ean, EuskoTrenen Trenaren Euskal Museoak jende aurreko neguko ordutegia jarriko du martxan. Horrela, asteartetik ostiralera, 10,00etatik 13,30etara eta 15,00etatik 18,30etara egongo da irekita; jaiegun ez diren larunbatetan, 10,00etatik 13,30etara eta 15,00etatik 18,30etara; eta

igande eta jaiegunetan (astelehenak izan ezik), 10,30etatik 14,00etara.

Informazio gehiago nahi dutenek Museoaren telefonora dei dezakete: 943 15 06 77. Horrez gain, 943 15 07 46 fax zenbakia ere erabili ahal izango da edo museoa@euskotren.es helbide elektronikoa.


223 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin