Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EuskoTrenek AENOR ER Enpresa Erregistratua Kalitate ziurtagiri integratua lortu du


2006-11-17 11:06

BILBO, 17 (EUROPA PRESS)

Eusko Jaurlaritzaren Garraio eta Herri Lan Sailaren esku dagoen EuskoTren sozietate publikoak Kalitate Ziurtapen integratua lortu du, eta, horri esker, konpainiak AENOR ER Enpresa Erregistratua marka erabili ahal izango du bere komunikazio guztietan. Kalitatean eta segurtasunean etengabeko hobekuntza lortzeko pizgarria dela esan dute EuskoTreneko iturriek, horiek baitira helburu gisa bezeroen poza duen txanpon baliotsuaren bi aldeak.

Enpresak, Zuzendaritzaren bultzadarekin, hainbat etapa egin ditu kalitatearen bide luzean. Hasieran, errepide-orri gisa Plan Zuzendaria hartu zen, eta, ondoren ISO 9001:2000 Kudeaketa Sistemaren arauan oinarritutako ISO 9001:2000 ziurtapenak lortu arte, etengabeko hobekuntzan erakutsitako konpromisoa islatzen duen froga gisa.

Azken urteetan ISO 9001:2000 ziurtapenak lortu ditu trenbideko, tranbiako eta bidaiarientzako autobusen material mugikorraren mantentze-lanetan eta bezeroen arretarako bulegoetan (BAB-ak), trenbideko eta tranbiako zirkulazioan eta aginte postuan. Orain, maila berria gainditu du etengabeko hobekuntzan, aipaturiko AENOR ER Enpresa Erregistratua ziurtapen integratua lortzean.

Erronka berri gisa, EuskoTrenek konpromiso berriak hartu nahi ditu bere zerbitzuak erabiltzen dituztenekin, langileen taldeekin ikuspegi integratuarekin lan eginez bere ibilbide guztietan kalitatea eta segurtasuna hobetzeko, eta horrela zerbitzua zertifikatuko duen AENOR N marka lortzeko, Europar Batasunak bultzatutako UNE-EN 13816 arauak eskatzen duen Zerbitzuaren Kalitate eta Segurtasun konpromisoak betetzen direla bermatzean.

EuskoTrenek kalitatearen eta segurtasunaren ikuspegietatik erreferentziazko operadore izateko enpresa ikuspuntutik datozen urteetarako Enpresa Plana eramango du aurrera, Goi mailako Errendimenduko Langile Taldeekin lan egiteko dinamika bultzatuz, une honetan eskaintzen duen kalitatea eta segurtasuna hobetzeko eta, berme guztiaz, Euskal Autonomia Erkidegoan eraikitzen ari diren azpiegituretan ibiliko diren goi mailako trenetako lehen operadore izatera heltzeko beharrezkoa den kultur aldaketa bultzatzeko.


201 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin