Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EuskoTranek zerbitzu bereziak eskainiko ditu datorren igandean, Athletic-Recreativo partida dela eta


2006-12-05 12:21

BILBO, 5 (EUROPA PRESS)

EuskoTranek Bilboko tranbiaren zerbitzuaren maiztasuna areagotuko du datorren igandean, egun horretan, San Mamesen, arratsaldeko 17,00etan hasita, Athleticek Huelvako Recreativo taldearen aurkako partida jokatuko baitu.

Horrela, EuskoTranek erabiltzaileei arratsaldeko 15,30ak eta 17,00ak bitartean hamar minutuko maiztasuna eskainiko die. Horrez gain, konpainiak bi zerbitzu berezi jarriko ditu Pio Barojatik hasita Basurturako noranzkoan, 16,26an eta 16,36an.

Partida amaitu ondoren, Basurtu, San Mames eta Sabino Arana geralekuetatik Atxurirako noranzkoan eskainiko den zerbitzua indartu egingo da, eta hiru zerbitzu berezi jarriko dira, geraleku hauetan dauden bidaiari guztiak eraman ahal izateko.

Zehatzago, hauexek izango dira, behin partida amaituta, Basurtutik aterako diren lehen tranbiak (San Mamesetik bi minutu beranduago, eta Sabino Aranatik lau minutu beranduago): 18,54, 19,00, 19,06, 19,12, 19,18, 19,24 eta 19,30. Unitate hauei esker, geralekuetan egongo diren bidaiariak garraiatu ahal izango dira.

Tranbiarako sarrera errazagoa eta azkarragoa izan dadin, EuskoTranek ordaintzerakoan Creditrans erabiltzea gomendatzen du.

Argibide gehiago eskuratzeko erabiltzaileek informazio telefonora dei dezakete edota konpainiaren web-orria kontsulta ditzakete: 902 543 210 edo www.euskotran.es.


152 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin