Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EuskoTranek Bilboko tranbiaren zerbitzu bereziak eskainiko ditu ostegunean Athletic-Osasuna partida dela eta


2009-01-12 12:51

BILBO, 12 (EUROPA PRESS)

EuskoTranek Bilboko tranbiaren zerbitzuaren maiztasuna areagotuko du ostegunean, San Mamesen 20:00etan hasita Athletic Club eta Osasuna taldeen artean jokatuko den partidara doazen pertsonen joan-etorri beharrak asetzeko, konpainiak jakinarazi duenez.

Horrela, EuskoTranek hamar minutuko maiztasuna eskainiko die 18:30etatik 20:00ak arte erabiltzaileei. Horrez gain, konpainiak beste hiru zerbitzu berezi jarriko ditu Pio Barojatik Basurtorantz, 19:16an, 19:26an eta 19:36an.

Norgehiagoka amaitu ondoren, EuskoTranek Basurto, San Mames eta Sabino Arana geralekuetatik Atxuri noranzkoan tranbiaren hiru zerbitzu berezi eskainiko ditu astegunetako ohiko zerbitzua indartzeko. Unitate berezi horiei esker geraleku horietan dauden bidaiari guztiak eraman ahal izango dira.

Tranbiarako sarrera errazagoa eta azkarragoa izan dadin, EuskoTranek ordaintzerakoan Creditrans erabiltzea gomendatzen du. Argibide gehiago eskuratzeko erabiltzaileek informazio telefonora dei dezakete edota konpainiaren webgunea kontsulta ditzakete: 902 543 210 eta www.euskotran.es.


100 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin