Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Legebiltzarkideek Bilboko La Peña auzoko Zamakola ikastetxera egin dute bisita gaur goizean


2006-01-19 17:00



BILBO, 19 (EUROPA PRESS)

Eusko Legebiltzarreko ordezkari talde handi batek, Eusko Jaurlaritzako Hezkuntza, Unibertsitate eta Ikerketa sailburua den Tontxu Campos aurrean zegoela, bisitatu du gaur Bilboko La Peña auzoan dagoen Zamakola ikastetxe publikoa, euskal erakunde nagusienak komunikatu batean azaltzen duenaren arabera.

Ikastetxeak, Haur eta Lehen Hezkuntzan aurrera eraman dituen hezkuntza-proiektuengatik askotan saritua izan denak, ikasleen gizarte-trebetasunak garatzeko lagungarri diren baloreen transmisioa landu du azken hamabost urteotan. Eskolak 600 ikasle inguru ditu, 2-12 urtera bitartekoak.

Ikastetxeak gatazkak konpontzeko teknika aitzindariak, ikasleekin adostutako portaera-arauak eta ikasleak beren ingurune fisikoan inplikatzea landu ditu.

Bidea ez da erraza izan baina eguneroko lanak fruituak ematen ditu , esan du Mari Asun Olanok, ikastetxeko zuzendariak. Gatazkei aurre egiteko prestakuntza neketsua izan zen eta hasieran beldur handia genion , gehitu du zuzendariak han zeuden hamar politiko eta Euskal Legebiltzarreko ordezkarien aurrean.

Bisitan, legebiltzarkideek tokian bertan egiaztatu ahal izan dute ikasleen jardueren eguneroko bilakaera, etorkinen % 8 duen eta familia askok gizarte-soldata jasotzen duten auzo batean.

Ikastetxe hau beti eragile aktiboa izan da auzoa hobetzeko eta arreta ezin hobea eman die haurren hezkuntza-premiei, gure eskolentzat denok nahi dugun ildoan , esan du Tontxu Campos sailburuak eta eskerrak eman dizkie ikastetxeko irakasle eta irakasle ez diren langileei beren dedikazio eta lanarengatik.


162 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin