Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzako Trafiko Zuzendaritzak Neguko Bide Zaintza Plana abiatu du fase operatiboan


2009-02-03 13:40

BILBO, 3 (EUROPA PRESS)

Eusko Jaurlaritzako Trafiko Zuzendaritzak Neguko Bide Zaintza Plana abiatu du, eguraldiak okerrera egiteko arriskuaren aurrean. Laguntzarako, trafikoaren zaintzarako eta errepideen mantentze lanetarako Euskal Autonomia Erkidegoak (EAE) dituen baliabideak modu eraginkorrenean aprobetxatzeko diseinatuta dago eta errepide sare nagusiari lehentasuna ematen dio eguraldiak okerrera egingo duela iragartzen dutenean.

Gaurko azken orduan, elur kota 500 metroren bueltan kokatzea iragarri dute eta izozte arinak egon daitezke lurraldearen barnealdean. Bihar, elur kota 500 metroren bueltan ibiliko da goizaldean, baina 900-1.000 metrora igoko da goizean zehar.

Planaren ildoak jarraituta, Trafiko Zuzendaritzak, badaezpada, lurraldeetako koordinazio organoak -bat lurralde bakoitzeko- deitu ditu SOS Deiak 112ren egoitzetara, elurrari aurre egiteko jarduerak antolatzeko. Organo horietan Herrizaingo Saileko Trafiko, Herritarren Segurtasun eta Larrialdiak Prebenitzeko zuzendaritzek parte hartzen dute, foru aldundiekin batera.

Gainera, Koordinazio Gune Aurreratuak sortzea aurreikusi dute; alegia, aldundiek eta Ertzaintzak errepideen mantentze lanetarako dituzten baliabideek osatzen dituzten dispositiboak. Baliabide horiek elkarrekin bertaratuko dira gatazka eremuetan, bertan lan egiteko eta, aldi berean, Kontrol Zentroei erabakiak hartzen laguntzeko.

Halaber, pisu handiak jasotzen dituzten garabiak errepide nagusietan izango dira eta, hortaz, izotzaren edo elurraren ondorioz kamioak irristatzen eta bidean gurutzatuta geratzen badira berehala kendu ahal izango dituzte.

Gidariek Euskadiko Trafikoa Kudeatzeko Zentroaren bidez jaso ahal izango dute trafikoaren eta errepideen egoeraren berri, 902 112 088 telefono zenbakian. Halaber, Trafiko Zuzendaritzaren orria ere (www.trafico.euskadi.net) erabili dezakete horretarako.


280 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin