Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzako Herrizaingo Sailak 2.500 egutegi banatu ditu martxoko Hauteskundeetako epeekin


2009-01-12 13:30

Hauteskunde-errolda udaletxe eta kontsulatuetan egongo da ikusgai gaurtik urtarrilaren 19ra bitartean

GASTEIZ, 12 (EUROPA PRESS)

Eusko Jaurlaritzako Herrizaingo Saileko Hauteskunde eta Dokumentazio Zuzendaritzak martxoaren 1ean Eusko Legebiltzarrerako egingo diren hauteskundeetako pausoak, datak eta epeak biltzen dituzten 2.500 egutegi banatu ditu. Dokumentazioa Euskal Autonomia Erkidegoko (EAE) alderdi politikoei, Hauteskunde Batzordeei, udalei, foru aldundiei, Administrazio zentralari, hedabideei eta Eusko Jaurlaritzari bidali zaie, eta www.elecciones.net webgunean erre izango da ikusgai.

Hauteskunde egutegian zehazten diren epeetako bat nabarmendu behar da, hain zuzen ere, hauteskunde-errolda gaurtik urtarrilaren 19ra bitartean egongo dela ikusgai udaletxeetan eta Kontsulatuetan, Herrizaingo Sailak prentsa ohar bidez gaur jakinarazi duenez.

Eusko Jaurlaritzako Herrizaingo Saileko Hauteskunde eta Dokumentazio Zuzendaritzak helburu jakin batekin argitaratu du martxoaren 1eko hauteskundeetako egutegia, hau da, hauteskunde-prozesuan parte hartu behar duten pertsona guztiei epeen eta pauso esanguratsuenen berri emateko.

Egutegiak modu grafikoan eta kolore bidez erakusten ditu hauteskundeetako pauso nagusiak, data, epe eta guzti. Informazio horrek martxoaren 1ean EAEko 760 hauteslekuetan izango diren 2.700 hautestontzietan botoa emango duten euskal hautesleei dagokie, eta baita udalei, Eusko Jaurlaritzari, Hauteskunde-administrazioari, epaitegiei, alderdi politikoei eta Estatuko Hauteskunde-erroldako Bulegoari ere.

Hautesleek errolda eskura izango dute gaurtik urtarrilaren 19ra bitartean (biak barne) udaletxe eta kontsulatuetan. Epe berean, hautesleek erroldan sartzeko edo bertatik kentzeko erreklamazioak aurkeztu ahalko dituzte Hauteskunde-Erroldaren Bulegoko Probintzia Ordezkaritzan. Horrek hiru egun izango ditu erreklamazioa ebazteko eta bat gehiago eskaera aurkeztu duen pertsonari, udaletxeei eta kontsulatuei horren berri emateko. Zuzenketak urtarrilaren 23an jarriko dituzte jendaurrean.

Halaber, gaur argitaratu dira Lurralde Historikoen Aldizkari Ofizialetan Eusko Legebiltzarrerako hauteskundeetan izango diren hauteskunde mahai eta hauteslekuen kopurua eta kokapena, eta urtarrilaren 31tik otsailaren 4ra bitartean, udalek mahai bakoitzeko kideak hautatzeko zozketak egin beharko dituzte.

Eskualdeko Hauteskunde-Batzordeek gehienez ere hiru egun izango dituzte zozketa horren berri jakinarazteko aukeratutako hautesleei Udalen bidez. Jakinarazpena jaso eta hurrengo egunetik hasita, hautesleak zazpi egun izango ditu Eskualdeko Hauteskunde-Batzordearen aurrean izendapena ez onartzeko arrazoiak aurkezteko eta horrek bost eguneko epea izango du ebazpena emateko. Halaber, beste epe bat izango da (otsailaren 20tik 28ra) mahaiko kideek martxoaren batean eginbehar hori bete ezin badute horren zergatia (bidezko arrazoia) Batzordeari jakinarazteko.

HAUTAGAIEN ZERRENDAK

Hautagaien zerrendak urtarrilaren 21etik 26ra bitartean (biak barne) aurkeztu ahal izango dira Eskualdeko Hauteskunde-Batzordearen aurrean. Urtarrilaren 28an, berriz, Euskal Herriko Agintaritzaren Aldizkarian (EHAA) argitaratuko dira aurkeztutako hautagaitzak.

Otsailaren 2an, beharrezko zuzenketak egin eta gero, aldarrikatu egingo dituzte eta biharamunean Euskal Herriko Agintaritzaren Aldizkarian (EHAA) argirataratuko dituzte berriro. Berrikuntza gisa, eta Eusko Legebiltzarrak onartu zuen Emakumeen eta Gizonen Berdintasun Legea betez, zerrendako hautagaien %50ek emakumezkoak izan behar dute hautagaitza balioztatzeko.

Hauteskunde-kanpaina otsailaren 13an hasiko da, 00:00etan, eta hil bereko 27an bukatuko da, 00:00etan. Otsailaren 24tik martxoaren 1era debekatuta egongo da hauteskundeen inguruko inkestarik kaleratzea. Hauteskunde egunaren ostean, alderdiek kanpainan zehar kaleetan jarritako propaganda kendu egin beharko dute.

Botoa posta bidez emateko, hautesleak berak aurkeztu beharko du eskaera posta-bulegoetan urtarrilaren 6tik otsailaren 19ra bitartean (biak barne). Komeni da eginbehar hori azken ordurako ez uztea. Hauteskunde-Erroldaren Bulegoko Ordezkaritzak posta ziurtatu bidez bidaliko du eskaria egin duen pertsonak agindutako helbidera botoa emateko beharrezko dokumentazio guztia. Aurreko hauteskunde autonomikoetan, 2005ean egin zirenetan, guztira 47.291 hauteslek eman zuten botoa posta bidez: 5.983k Araban, 27.863k Bizkaian eta 13.445ek Gipuzkoan.

Lurralde historiko bakoitzeko Hauteskunde-Batzordeak botoa eman eta bost egunera (martxoaren 6an) hasiko du hauteskunde emaitzen zenbaketa, eta lau egun izango ditu horretarako. Beraz, botoak zenbatzen bukatzeko azken eguna martxoaren 10a izango da. Hauteskunde-Batzordeek martxoaren 12tik aurrera egingo dute aukeratutako hautagaien aldarrikapena.


110 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin