Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzako Arabako toponimia berrikusi du eta abenduan Gipuzkoakoari helduko dio


2006-11-16 12:45

GASTEIZ, 16 (EUROPA PRESS)

Eusko Jaurlaritzako Hizkuntz Politikarako Sailburuordetzak Arabako toponimia berrikusi du eta abenduan Gipuzkoakoari helduko dio. Halaber, azken 20 urteotan egindako lanen emaitzak jakinarazi dituzte adituek gaur Gasteizen egindako Euskal Herriko Toponimiari buruzko Jardunaldian.

Izan ere, Hizkuntz Politikarako Sailburuordetzak Euskal Herriko Toponimia eta Kartografiari buruzko Jardunaldia antolatu du gaur Gasteizen. Euskaltzaindiaren arau berriak jarraiki, eta Deiker institutuarekin lankidetzan, Bizkaiko toponimia berrikusi ondoren, Arabakoa berrikusi dute aurten, 30.000tik gora toponimoi berrikusiz, Gasteizko hirikoak barne. Abenduan helduko diote Gipuzkoako toponimia berrikusteari, guztiak datu-base batean kontsultagai egon daitezen.

Jardunaldiaren helburua izan da, batetik, toponimiaren erabiltzaileei (administrazio publikoei, kartografia-enpresei) Euskal Autonomia Erkidegoan, azken 20 urteotan, toponimiaren eta kartografiaren inguruan egindako lanen berri ematea eta, bestetik, horren osagarri liratekeen Nafarroako eta Iparraldeko toponimiaren ikuspegi zehatza eskaintzea.

Izan ere, komunitate horietako toponimoek antzeko normalizazio-irizpideak behar dituzte eta, hori dela eta, gure toponimia-jarduna hobetzeko eta koordinatzeko, gaurko jardunaldia oso lagungarri izango da, nabarmendu du Patxi Baztarrika Hizkuntz Politikarako sailburuordeak.

Toponimia, hizkuntza baten corpusaren zati garrantzitsua izateaz gain, herri baten funtsezko nortasun-ezaugarria da. Horregatik --adierazi du Baztarrikak--, toponimoak gorde, mantendu eta belaunaldiz belaunaldi transmititu behar dira. Izan ere, toponimoak historiaren hasieratik lurralde batean bizi izan diren edo berarekin harremanetan izan diren kultura, tradizio eta erlijio desberdinen fruitua dira.

Baztarrikak gogorarazi du toponimoak gure eguneroko bizitzan daudela. Bere esanetan, hizkuntza-paisaian daude, bide-seinaleetan, hedabideetan, dokumentu ofizialetan, liburuetan, errotuluetan eta, bereziki, kartografian, mapetan.

Bestalde, toponimia kartografiaren iturri izanik, Eusko Jaurlaritzako Ingurumen eta Lurralde Antolamendu Saileko ordezkariak ere egon dira jardunaldian EAEko kartografiaren inguruan xehetasunak emateko.

Halaber, gaurko jardunaldiak beste helburu garrantzitsu bat du, toponimia-lanaren inguruan koordinazioa eta lankidetza sustatzea, hain zuzen. Izan ere, Hizkuntz Politikarako Sailburuordetzak aurrerantzean bere datu-basea zuzentzen eta osatzen joateko asmoa du, eta, horretarako, ezinbestekoak ditu beste administrazioen, Euskaltzaindiaren, ikerlarien eta, oro har, toponimiaren erabiltzaileen lankidetza eta ekarpenak. Azken finean, toki guztietan normalizatutako toponimia bera eta bakarra agertzea da helburua.


165 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin