Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzak euskaldunberriak aintzatetsiko ditu Ukan sari berriaren bitartez, Euskararen Nazioarteko Egunean


2006-11-29 14:13

Alex Ubagok eta Bide Ertzean taldeak kontzertua eskainiko dute ostiral gauean Bilboko La Casilla pabiloian

DONOSTIA, 29 (EUROPA PRESS)

Euskararen Nazioarteko Eguna ospatuko da igandean eta Eusko Jaurlaritzak hainbat ekitaldi prestatu ditu asteburu osorako, Ukan euskararen birusa lagun hartuta. Horrela, igandean bertan, euskaldunberriak aintzatetsiko dira Donostiako Kursaal Jauregian eguerdiko 12,00etan hasita egingo den ekitaldian, Juan Jose Ibarretxe Eusko Jaurlaritzako lehendakaria buru dela, soretu berria den Ukan sariaren bitartez.

Patxi Baztarrika Eusko Jaurlaritzako Hizkuntz Politikarako sailburuordeak, Lorea Bilbao Jaurlaritzako hizkuntz gaietako aholkulariak eta Igone Etxebarria Gasteizko Exekutiboko Euskara Sustatzeko zuzendariak aurkeztu dute gaur Donostian, Ukan, elkarbizitzaren birusa kanpainaren baitan egingo den ekitaldien egitaraua.

Horrela, ostiralean, larunbatean eta igandean ekitaldi handi bana egingo da EAEko hiru lurraldeetako hiriburuetan. Ostiral gauean kontzertua egingo da Bilboko La Casilla pabiloian, Alex Ugabo eta Bide Ertzea taldearekin. Elebitasuna bultzatu duen kanpainaren mezuarekin bat eginda, Alex Ubagok Bide Ertzean taldearen abesti bat kantatuko du, euskaraz, eta Bide Ertzeanek Ubagoren bat, gaztelaniaz.

Oraindik lortu daitezke kontzerturako sarrerak, horretarako jarrita dagoen telefonroa deituta: 900 100 588. Ekitaldi honetarako, Eusko Jaurlaritzak Bizkaiko Foru Aldundiarekin eta Bilboko Udalarekin batera aritu da.

Larunbatean, Euskararen Jaialdia egingo da Gasteizen. Arratsaldeko 17,00etatik 20,00etara bitartean, Lakuako gizarte-etxean hainbat ikuskizun eta ekitaldi egingo dira, bai haurrentzat bai eta nagusientzat ere. Haurrek, jolasak, puzgarriak, tailerrak eta txokolatea izango dituzte arratsaldea jolasean igarotzeko.

Bitartean, helduek arte-adierazpenak zuzenean gozatuko dituzte: muralista bat lanean, antzerki-deklamazioa eta musika-saio atsegina. Ekitaldia bukatzeko, saio laburra egingo da, Ukan aurkeztu, kantuak entzun eta agintarien parte-hartzearekin. Ekitaldi honetan Arabako Foru Aldundiak eta Gasteizko Udalak bat egin dute Eusko Jaurlaritzarekin.

EKITALDI NAGUSIA

Igandean egingo da ekitaldi nagusia, Euskararen Nazioarteko Egunarekin bat eginez. Aurten Donostian egingo da, urteroko txandakatzeak hala eginduta. EAEko hiru foru aldundiek eta Donostiako Udalak, Eusko Jaurlaritzarekin batera, ekitaldi instituzionala deitu dute iganderako Kursaalean, eguerdiko 12,00etan.

Euskararen Eguna izanik ere, elebitasunak bere lekua izango du ikuskizunak osatuko duten artisten artean eta haien jardunaren barruan. Kantari, dantzari eta bertsolariek ordubeteko saioa egingo dute. Tartean izango da Ibarretxeren adierazpena, eta euskararen bitartez elkarbizitzarako hain ekarpen handia egin duten euskaldunberriei aitorpena, Ukan sari sortu berriaren bitartez.

Patxi Baztarrika Hizkuntz Politikarako sailburuordeak azaldu du 2006ko Euskararen Nazioarteko Egunean Eusko Jaurlaritzak aldarrikatu nahi duen mezuak bi oinarri dituela: elkarbizitzaren oinarria eta hizkuntza-aniztasunaren oinarria. Bi zution horietan oinarritzen da euskararen garapenaren alde Euskararen Nazioarteko Eguna dela-eta Eusko Jaurlaritzak zabaldu nahi duen mezua, gaineratu du.

Mezu hori zabaltzeko, Ukan elkarbizitzaren birus osasungarriaren laguntza paregabea dutela azpimarratu du. Aurten indetifikatu dute birus hori, eta aurtengo Euskararen Nazioarteko Egunean iritsiko da bere lehen helmugara. Baina egiteke geratzen zaion itzulia luzea da, eta Euskararen Egunaren ondotik ere bere itzulia egiten jarraituko, esan du.


247 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin