Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzak eta Nafarroako Gobernuak euskara sustatzeko elkarlana hitzartu dute


2009-01-26 13:19

BILBO, 26 (EUROPA PRESS)

Hizkuntz politikaren ardura duten Eusko Jaurlaritzako eta Nafarroako Gobernuko sailek euskara sustatzeko elkarlana adostu dute. Europako Kontseiluak hizkuntzen alorrean emandako aholkuen bidetik, Eusko Jaurlaritzako Kultura Sailak eta Nafarroako Hezkuntza Kontseilaritzak, euskara kultura-loturatzat harturik, ondarea sustatzeko eta bultzatzeko bakoitzak dituen eskumenak erabiliz Asmoen Adierazpena izenpetu dute Iruñean, Nafarroako Jauregian.

Lan bileran eta ondorengo hedabideen aurreko agerraldian izan dira Miren Azkarate Eusko Jaurlaritzako Kultura sailburua, Carlos Perez Nievas Nafarroako Gobernuko Hezkuntza sailburua, Patxi Baztarrika Eusko Jaurlaritzako Hizkuntza Politikarako sailburuordea eta Xabier Azanza Euskarabidea Euskararen Nafar Institutuaren zuzendaria, eta hauekin batera bakoitzaren lan taldeak.

Horrela, hizkuntz politikarako ardura duten Eusko Jaurlaritzako eta Nafarroako Gobernuko sailek Nafarroako Foru Komunitatearen eta Euskal Autonomia Erkidegoaren artean sustapena, ikerketa, dokumentazioa, plangintza eta hizkuntza politika sustatzeko harremanak estutzea, euskararen hizkuntza-normalizazioaren alorrean lankidetza eta erlazioa hobetzea eragingo dute.

Hitzartutako Asmoen Aitorpen honen ondorioz ezarriko den baterako ekintzaren lehentasunezko helburuetako bat izango da hizkuntz politikaren alorrean lankidetza teknikorako loturak ezartzea, informazioa eta jakintza elkarri trukatzeko, eta helduen euskalduntzearen eta alfabetatzearen esparruan jarduerak koordinatzeko.

Helduen euskalduntzearen alorrean, euskara helduei irakasteari begira, Hizkuntzen Europako Erreferentzia Marko Bateratuan ezarritakoari egokitzen zaion oinarrizko curriculum komuna eratzeko eta bi administrazioek homologatu beharreko egiaztatzeak eta titulazioak ezartzeko asmoa dute biek, beti ere, alor honetan Eusko Jaurlaritzako Kultura Sailari atxikita dagoen HABE erakundeak Euskal Autonomia Erkidegoko euskaltegien sarean indarrean jarri duen Hizkuntzen Europako Erreferentzia Marko Bateratura egokitutako Helduen Euskalduntzearen Oinarrizko curriculumaren eta horri dagokion egiaztatze-sistemaren bidetik.

ARO BERRI BAT

Gaurko adostasunak, euskararen arloan aro berri bat zabaltzen du, agintarien iritziz. Honetarako lehen urratsa 2008ko otsailaren 22an eman zen, Eusko Jaurlaritzaren egoitzan izandako lan bilera eta agerraldiarekin.

Bilera hartan Miren Azkaratek adierazi zuennez, gaurtik aurrerakoaren lehen urratsa da, aurrera begirakoa. Ez da ohikoa baina honek datorrenaren atea zabaltzen du, eta hori gaur adostasuna bilakatu da. Ia urtebete honetan Jaurlaritzako Hizkuntza Politikarako Sailburuordetzaren eta Euskarabidea Nafar Institutuaren arteko lan bilerak eta elkarlana etengabea izan da eta horren ondorioa da gaur izenpetu den adostasuna.

Miren Azkaratek eskerrak eman dizkie Nafarroako kontseilari Carlos Perez Nievasi eta Euskararen Nafar Institutuko zuzendari Xabier Azanzari, hilabete hauetan bi gobernuen arteko hizkuntz politika alorrean harremanak normalizatzeko emandako pausuagatik.

Kultura sailburuak gogoratu du Eusko Jaurlaritzako Hizkuntza Politikarako Sailburuordetzak 2005-2009 legealdirako bere jardunbide nagusien artean honakoa agintzen duela: euskararen erabilera sustatzeko jarduna bultzatzea, Nafarroako erakundeekin lankidetza bideratuz, Nafarroako Gobernuarekin batera programak hitzartzeko beharrezkoak diren urratsak egiteko asmoz. Gaur izenpetutako akordioak hartutako konpromiso hori betetzen du.


496 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin