Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzak eta IMQ-k BAT Basque Team ekimeneko 52 euskal kirolariak omenduko dituzte gaur Bilbon


2009-01-26 12:38

BILBO, 26 (EUROPA PRESS)

Eusko Jaurlaritzako Kultura Sailak eta Institutu Mediko Kirurgijoak (IMQ) omenaldia egingo diete gaur arratsaldean BAT, Basque Team ekimenaren barruko 52 euskal kirolariei, Bilbon. BAT ekimenaren helburua da eliteko kirola praktikatzea sustatzea eta horrekin batera, maila altuko kirolariak ere bai.

Azken finean, proiektu honen bidez, Euskadiko kirolariek nazioartean maila handieneko lehiaketetan parte hartu ahal izango dute. BAT ekimenaren barruko euskal kirolariek -arabarrak, bizkaitarrak eta gipuzkoarrak-, bost domina eta hamar diploma eskuratu zituzten Pekingo Joko Olinpikoetan; Joko Paralinpikoetan, berriz, zortzi domina lortu zituzten.

Ekitaldia EiTBko Multibox aretoan izango da, 19:00etan. Ekitaldiaren xedea da kirol-mundua eta enpresa eta instituzioak elkartzeko gunea izatea. Ekitaldian, IMQ-k Urrezko Poliza emango die ekimenaren barruko kirolari guztiei.

Omenaldian izango dira Eusko Jaurlaritzako Kultura sailburua eta BATeko presidentea den Miren Azkarate, IMQ-ko presidentea den Pedro Ensunza, IMQ-ko kontseilari zuzendari nagusia den Jose Andres Gorricho eta Eusko Jaurlaritzako Kirol zuzendaria den Joserra Garai.

Euskadi Kirola Fundazioaren babesa dute 52 kirolarik eta dagoeneko bekak jaso dituzten hiru kirol elkartek. Programaren barruko kirol-taldean honako hauek bezalako izen ezagunak daude: Naroa Agirre pertika-jauzilaria, Iñaki Lejarreta eta Leire Olaberria txirrindulariak, Xabi Fernandez eta Iker Martinez arraunlariak, Aritz Aranburu surflaria, Eneko Llanos triatleta, Patxi Usobiaga eskalatzailea edo Javier Otxoa txirrindulari paralinpikoa.


171 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin