Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzak ekainean hasiko ditu Bilboko tranbiaren Basurtu-Errekalde zatiaren lanak


2009-01-23 13:39

Tranbiak sei minututan lotuko du Errekalde auzoa San Mameseko intermodalarekin eta 37.000 pertsonari emango die zerbitzua

BILBO, 23 (EUROPA PRESS)

Eusko Jaurlaritzak datorren ekainean hasiko ditu Bilboko tranbia Basurtu eta Errekalde artean zabaltzeko lanak. Proiektu berriak 37.000 pertsonari emango die zerbitzua eta tranbiak sei minututan lotuko du Errekalde auzoa San Mameseko intermodalarekin. Gainera, Errekaldek tranbia zerbitzua izango du hamar minutuz behin.

Nuria Lopez de Gereñu Eusko Jaurlaritzako Garraio eta Herri Lan sailburuak eta Iñaki Azkuna Bilboko alkateak jakinarazi dituzte gaur tranbiaren Basurtu-Errekalde zatiaren lanen xehetasunak, Bilbon eskainitako agerraldian.

Erabiltzaileak lau minututan egongo dira Basurtuko Ospitalean eta bost minutu eta erditan San Mameseko Intermodalean. Ekainetik aurrera eraikiko den zati berrian lehen fasearen eraikuntzan eta Gasteizko tranbiaren eraikuntzan bildu diren esperientzia guztiak aplikatuko dira, eta, horrela, Errekaldeko tranbia garraio eraginkorrena, seguruena, ekologikoena eta erabilerrazena izango da.

Pertsonentzat errazagoa izango da leku batetik bestera joatea, eta autobusa edo metroa bezalako beste garraio batzuekin bateragarri izango da. Izan ere, Eusko Jaurlaritzako Garraio eta herri Lan Sailaren esku dagoen Euskal Trenbide Sarea erakunde publikoa Bilboko metroaren 4. linearen Oinarrizko Azterlana idazteko lanak burutzen ari da une honetan; linea horrek Bilbo erdialdea eta Errekalde lotuko ditu.

Aurreikuspenen arabera datorren udan bukatuko den azterlanaren idazketaren amaieran, azterlan horrek 4. lineak izango dituen geltokien kokagunea zehaztuko du, eta, horrez gain, linearen funtzionaltasuna, azpiegitura berriaren onurak jasoko duen biztanle kopurua eta garraio publikoaren erabilerari dagokionez biztanle horiek dituzten ohiturak ere jakinaraziko ditu. Azterlan horretan zehaztuko da, baita ere, Moyuako intermodoa Bilboko Trenbide Metropolitarreko 1. eta 2. lineekin.

ONURAK

Errekaldeko geralekuak nasa bakarra izango du, eta plazara doan espaloiaren ondoan eraikiko da. Diseinu horri esker, Gordoniz eta Ciudadela kaleetan ibilgailuen trafikorako bi bide egokitu ahal izango dira, eta, gainera, plazaren egitura ez da ia ezer aldatuko. plaza hori da, hain zuzen ere, auzo honetako biztanleen aisia gune nagusia.

Gai horri dagokionez, Lopez de Gereñuk esan du ahalegin handia egin dela metro arina hirigunean barneratzeko, plaza eta, zehatzago esanez, bertako elementu esanguratsuenetakoa den pergola salbatu ahal izateko.

Garraio eta Herri Lan Sailburuak eta Bilboko alkateak gogoratu dute tranbia Errekalderaino heltzeak ez duela aparkatzeko lekuen inolako galerarik eragingo, alderantziz baizik. Izan ere, gaur egun baino aparkatzeko leku gehiago egongo da, Tolosako Bidea kalean trazatua aldatuko delako eta une honetan inguru horretako biztanleek erabiltzen duten aparkalekua zabaldu eta urbanizatu egingo delako.

Esan dutenez, proiektua ingurunearekin atsegina izango da, eta bere eragina Errekaldeko Plazaren inguruan ahalik eta txikiena izango da. Auzoan aparkatzeko leku gehiago ekarriko du, Gordoniz kaleko espaloiak metro eta erdi handiagotuko ditu eta Errekalden bizi diren pertsonei aukera emango die azkar eta seguru beste garraiobide batzuetara hurbiltzea, hots, metrora, Renfera eta Termibusera, San Mameseko intermodalean.

Eusko Jaurlaritzak burutu duen Tranbia Errekaldeko Hirigunean Barneratzeko Azterlanaren ondorioak kontuan izanik, metro arinaren ezarpenari esker Errekalden dagoen trafiko sistema hobetu ahal izango da, eta automobilaren erabilerak auzoan duen eragina murrizteko ahal izango da.

Beste alde batetik, Euskal Trenbide Sareko eta Bilboko Udaleko Herri Lan Saileko teknikariek Gordonizeko Biribilguneko iturria Leon de Uruñuela eta Gordoniz kaleen artean kokatutako biribilgunera eramatea erabaki dute, behin betiko, Bilboko metro arina leku horretatik bertatik igaroko baita.

DESKRIBAPENA

Bilboko Tranbia Sarea Zabaltzeko Obra Zibila, Basurtu-Errekalde zatia lanak 7.055.517 euroko aurrekontua du, eta obra burutzeko epea, esleitu eta birplanteatze akta sinatu ondoren, 18 hilabetekoa izango da.

Bilboko tranbia zabaltzeko proiektuak 1.384 metroko luzera izango duen trazatua aurreikusten du. Gehieneko aldapa 80 milarenekoa izango da, eta 30 metro luze izango diren hiru geraleku izango ditu, Autonomia kalean, Etxetxoan eta Errekalden.

Gaur egun EuskoTrenek ustiatzen duen Bilboko tranbiak 12 geraleku ditu (Atxuri, Erribera, Arriaga, Abando, Pio Baroja, Uribitarte, Guggenheim, Abandoibarra, Euskalduna, Sabino Arana, San Mames eta Basurtu) eta trazatua 4.870 metrokoa da. 2002ko abenduan inauguratu zen EuskoTran eta hiru milioi pertsona inguruk erabiltzen dute urtean.

Eusko Jaurlaritza -Euskal Trenbide Sarearen bitartez- Autonomia-Zabalburu-Pio Baroja tranbia-eraztuna ixteko Informazio Azterlanaren Idazketa ari da burutzen. Proiektu hori bere azken fasean dago, eta horren barruan dago gaur egun trenbide bakarrekoa den trazatua bikoiztea Abando eta Pio Baroja artean.


438 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin