Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzak 900.000 euro emango dizkio UNED Bergara Fundazioari, Pentsamendua XXI proiektua garatzeko


2009-01-13 17:19

GASTEIZ, 13 (EUROPA PRESS)

Eusko Jaurlaritzako Gobernu Batzordeak UNED Bergara Fundazioari 2009. urterako 450.000 euroko diru-laguntza eta 2010. urterako beste 450.000 euroko diru-laguntza esleitzea onartu du gaurko bileran, Globalizazioaren etorkizunaren analisia eta bere eraginak Euskadin eta diasporako pentsamenduan aztertzea helburu duen programa garatzeko. Egitasmo honen eduki eta helburu zehatzak Pentsamendua XXI izeneko proiektuan bilduta daude.

Ikerketa sozio-politikoaren arloan, kultura eta gobernantzaren ardatzen arteko loturaren areagotzean eta kultura demokratikoaren baloreak sendotzean, UNED Bergara Fundazioak egindako lana eta orain arte izandako ibilbidea kontuan harturik, egokitzat eta interes sozialtzat hartu da fundazioaren lankidetza sustatzea Pentsamendua XXI proiektuaren garapenean eta gauzatzean, aipatutako proiektuaren onura publikoa eta helburuarekin bat datozen ekimenak lagunduz eta atxikituz.

Honela, UNED Bergara Fundazioak zenbait ekimen burutuko ditu. Horrela, alde batetik, partaidetzarako metodologia bat diseinatuko du, koordinazio eta partaidetzako mekanismo formalak barne izanik. Bestalde, lan-programaren diseinu orokor bat egingo du, urteka mugaturik; edonola ere, programak proiektuaren egitura, ekintzak eta bere metodologia eta jarraitu beharreko pausoak, foroen antolakuntza eta edukien eta emaitzen jakinarazpena izan behar ditu barne.

Azkenik, ebaluazio jarraitu baten sistema diseinatuko du, dagokion adierazle-taula gainean sistematizatua, Globalizazio Aroan Munduan Euskadi eta euskaldunaren Etorkizuneko Analisien laborategi bat sortzeko.


522 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin