Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eusko Jaurlaritzak 58 milioi inbertituko ditu Leioan (Bizkaia) babespeko 405 etxebizitza eraikitzeko


2009-01-12 17:14

BILBO, 12 (EUROPA PRESS)

Leioako Udalak (Bizkaia) eta Eusko Jaurlaritzako Etxebizitza Sailak babespeko 405 etxebizitza sustatuko dituzte herriko Leioandi eremuan, horietako 101 inguru alokairurakoak, gaur sinaturiko hitzarmenaren ondoren. Leioandiko eremuan 623 etxebizitza eraikiko dira guztira, hau da, 405 babespekoak eta 218 libreak. Jaurlaritzako Etxebizitza Sailak 58,3 milioi euro baino gehiago inbertituko ditu operazio honetan.

Eusko Jaurlaritzako Etxebizitza eta Gizarte Gaietako Sailak gaur jakinarazi duenez, eraikitze eta urbanizatze lanak aldi berean hasiko dira, 2010. urtearen hasieran, eta 36 hilabete inguruan burutuko dira, batez beste.

Azalera-eskubidepean saltzekoak diren babespeko etxebizitzak 2010eko bigarren seihilekoan zozkatuko lirateke, faseka agian; alokairuko etxebizitza sozialak benetan amaitzear daudenean zozkatuko lirateke. Leoian erroldatuta eta Etxebiden izena emanda daudenei esleituko zaizkie etxebizitzak.

Bi helburu ditu Jaurlaritzaren eta Leioako Udalaren arteko hitzarmenak: babespeko 405 etxebizitza eraikitzea batetik, eta metroa eta unibertsitatea (Leioa-Unibertsitatea linea) lotuko dituen tranbiaren lehenengo fasearen ibilbideak barne hartzen duen 650 metro luzerako kanalaren urbanizazioa bestetik; etxebizitza babestuak hartuko dituzten lursailen aurrealdetik igaroko da tranbia.

Leioako Udalak lurzoruaren jabe pribatuekin hitzartuko du lursailak lagatzea eta Eusko Jaurlaritzari lagako dizkio. Bestalde, Eusko Jaurlaritzaren Etxebizitza Sailak bere gain hartuko ditu lursailak eta Udalaren urbanizatze karga guztiak eta babespeko etxebizitzak eraiki eta urbanizazio lanak burutuko ditu. Era berean, konpromisoa hartu da etxebizitza bloke bakoitzaren konposizio bolumetrikoa eta fatxada ezberdinak izango direla eta goi mailako arkiteko talde ezberdinek egingo dituztela proiektuak.


288 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin