Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskarazko zortzi lan aurkeztu dira XVII. Edebe Haur eta Gazte Literaturako sarietara


2009-01-23 12:45

BILBO, 23 (EUROPA PRESS)

Guztira 402 obra aurkeztu dira Edebe Haur eta Gazte Literaturako sarien 17. ediziora, iazko ediziokoaren bikoitza, eta horietatik zortzi euskarazkoak dira. Lan irabazleen berri urtarrilaren 28an emango da, Bartzelonan. Aurtengo sariak orotara 55.000 euro banatuko ditu: 30.000 euro gazteentzako lanarentzat eta 25.000 euro haurrentzako lanarentzat, antolatzaileek prentsa ohar baten bidez gaur iragarri dutenez.

Haur literaturaren modalitatean 270 lan aurkeztu dira, eta 132 gazte literaturakoan, guztira 402, beraz. Gaztelaniaz 327 obra aurkeztu dira, katalanez 52, galizieraz 15 eta euskaraz zortzi. Horixe da, agian, sariketaren ezaugarri bereziena: lau hizkuntza horiek aukera-berdintasuna izatea lehiatzeko orduan. Aurreko 16 edizioetan, gaztelaniazko 19 liburu, katalanezko zortzi eta galizierazko lau izan dira irabazle.

Gaztelaniazko eta katalanezko lanen partaidetzaren igoera antzekoa izan bada ere, Galiziako eta Euskal Herriko idazleen partaidetza bikoiztu egin da: %60 galegozko nobelen kasuan, eta %50 euskarazko lanen kasuan.

Haur literaturan, kontaera errealista umorez eta fantasiaz zipriztinduak nagusitu dira; gazte literaturan, ordea, ekintza asko eta elkarrizketa ugarikoak. Generoen artean, beldurrezko nobela, eta oro har, iniziazio-istorioak izan dira gailenak.

Lanak Estatuko lau hizkuntza ofizialetan argitaratuko dira: gaztelaniaz, katalanez, euskaraz eta galegoz. Halaber, ONCErekin hitzartutakoa dela medio, braillez ere argitaratuko dira. Liburu berri horiek martxotik aurrera izango dira liburu-dendetan.


208 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin