Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskararen Jatorriaren II. Biltzarra ospatuko da larunbatean Donostian


2006-10-03 17:16

DONOSTIA, 3 (EUROPA PRESS)

Euskararen Jatorriaren II. Biltzarrak teoria eta partaide berri asko bilduko ditu larunbat honetan, Donostian, Aranzadi Zientzia Elkartearen egoitzan, Zorroaga gainan, antolakuntzako iturriek jakinarazi dutenez.

Batetik, Iraide Ibarretxe Zaragozako Unibertsitateko irakasleak onomatopeiek hizkuntzaren sorreran izandako zerikusia azalduko du. Hizkuntzarekin lotuta baina, beste alderditik, Jon Baltza Deustuko Unibertsitateko irakasleak bere txostena aurkeztuko du, euskararen eta euskaldunen adimen ikuspegiaren arteko harremanaren inguruan. Ondoren, Imanol Mugika Alberdiren teoria azalduko da, hots-hizkien (fonemak) esanahiaren jakintzaz.

Euskal Herritik at lau ikerlari gonbidatu dira: Jorge Mª Ribero Meneses kantabriarra (hizkuntzalaria, historialaria eta idazlea); Van Sarkisian armeniarra (herrien arteko Hizkuntzalaritzaren Akademiaren presidentea eta Erevaneko Unibertsitateko irakaslea); Jose Antonio Arnaiz Villena (biologoa, sendagilea eta Unibertsitate Konplutenseko irakaslea) eta Jose Luis Aleman Marti (historialaria eta ikerlaria).

Adituen txostenen azalpenez gain, bi hizkuntz tailer ere izango dira: iberiar hizkuntzaren irakurketa eta aditzen entzuketari buruzkoa.

Euskararen Jatorriaren II Biltzarraren antolatzaileak, Mikoleta, Euzko Izaera dala ta, Bizi-Hitza eta ENA elkartea dira. Jardunaldian parte hartzeko izen-ematea, mikoleta@euskalnet.net posta elektronikora idatziz edota 946 004 101 telefonora deituz egin daiteke. Izen-ematearen salneurria 60 eurokoa da, (bufetta barne).


131 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin