Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskara 21 ekimenaren txostena itun berritu batera heltzeko aurrerapausoa dela dio Euskararen Aholku Batzordeak


2009-02-06 17:25

GASTEIZ, 6 (EUROPA PRESS)

Euskararen Aholku Batzordearen osoko bilkura izan da gaur arratsaldean Lehendakaritzako egoitzan, Gasteizen, eta aztergai nagusia Euskara 21 ekimenaren txostena izan da. Horrela, besteak beste, txosten hori itun berritu batera heltzeko aurrerapausoa dela ondorioztatu dute, batzordeko iturriek jakinarazi dutenez.

Euskararen Aholku Batzordeak, Miren Azkarate Eusko Jaurlaritzako Kultura sailburuaren proposamenez, XXI mende hasierarako hizkuntza politikaren oinarriak izena duen batzorde-atal berezia eratu zuen 2007ko urriaren amaieran eta hortik aurrera hizkuntza politikaren oinarriei buruzko askoren arteko eztabaida eta hausnarketa egin da.

Eztabaidaren abiapuntu izan den oinarrizko txostena, eta, eztabaidaren amaierako txostena idatzi dituen batzorde-atal bereziko batzorde iraunkorra Aurelia Arkotxak, Lore Erriondok, Alberto Lopez Basagurenek, Eneko Oregik, Pello Salaburuk, Erramun Osak (idazkaria) eta Patxi Baztarrikak (batzorde burua) osatu dute.

Ordu askotako eztabaidaren ondoren egindako txostena da azkeneko hau, ikuspuntu asko entzun eta kontrastatu ondoren egindakoa. Zentzu horretan, adostasunaren emaitza da txostena, eta itun berritu batera heltzeko aurrerapausoa. Izan ere, mende hasiera honetan ezinbestekoa da adostasunean, pertsuasioan eta tinkotasun demokratikoan oinarrituriko hizkuntza politika, nabarmendu dute.

Amaierako dokumentua ez dator beste ezer ordezkatzera, ikuspegi askoren integrazio saiakera baten emaitza baita, eta, ondorioz, itun berritu bateranzko abiapuntua izan nahi luke. Hain zuzen ere, itun berritu horretarako oinarriak dira Euskara 21 eztabaida prozesuan mahaigaineratu direnak.

EBPN BERRIKUSI

Hartara, bada lan bat ondorengo hilabeteetan ekin beharko litzaiokeena: hamar urteko ibilbidea egin duen Euskara Biziberritzeko Plan Nagusia (EBPN) berrikusi eta garai berrietara egokitzeari ekin beharko litzaioke berehala, hain zuzen ere Euskara 21 prozesuan mahaigaineratu diren oinarrien arabera.

Lehendakaritzan izandako bileran, Euskara 21 ekimena aurkezteaz gain, kideek Euskararen Aholku Batzordeko gainontzeko batzorde-atalek egindako lanari buruzko urteko oroitza onartu dute. Hona hemen 2008an lanean aritu diren bestelako batzorde-atalak: Toponimia, Terminologia, Lege-garapena, Informazio eta Komunikazio Teknologiak, eta Euskarazko hedabideak eta euskararen presentzia hedabideetan izeneko batzorde-atala.

Azkenik, bileran, Miren Azkarate Kultura sailburuak Eusko Jaurlaritzak Nafarroako Gobernuarekin hizkuntz politikarako gaiaren inguruan sinatutako asmoen adierazpenaren berri eman die bertaratu diren kideei.


304 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin