Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskaltzaindiak R. M. Azkue ikastola legeztatu zeneko 40. urteurrena ospatu du


2006-10-27 18:47

Gazteleraz gain, beste hizkuntza batean irakasteko baimen ofiziala lortu zuen Estatuko lehen ikastetxea izan zen

BILBO, 27 (EUROPA PRESS)

R. M. Azkue ikastola legeztatu zeneko 40. urteurrena ospatu du gaur Euskaltzaindiak Bilbon, ageriko bilkura eginez. Azkue ikastola, gaur egun Lauro ikastola dena, bi hizkuntzatan --gazteleraz ez ezik, euskaraz ere-- irakasteko legeztatu zen lehen ikastetxea izan zen, Estatu osoan. Legeztatze hori, Euskaltzaindiaren babesarekin lortu zuen.

Halaxe gogoratu du Andres Urrutia euskaltzainburuak: Aldi latzak izan ziren gerra ostekoak euskararentzat eta euskal kulturarentzat, zirrikiturik txikienak itxiak zituela, biziraupena bera ukatu arte. Aldikada gogor hartan, eta gerora ere, Euskaltzaindiak berea betetzen jakin zuen, ikastolekin batera, bera ere osterantzeko ekimenen bultzatzaile eta eragile izan baitzen. Abiapuntuan jarri zituen gure Akademiak, besteak beste, AEK, D Irakasle Titulua (gero EGA bihurtu dena), UEU, Bai Euskarari, Itzultzaile Eskola eta abarrekoak, egun euskalgintzaren habe sendo direnak.

Horregatik guztiagatik, euskaltzainburuaren esanetan, gaurkoa ospakizunerako eguna izan da, orduko gertaerak gogoan hartu eta aurrera begira jarraitzeko eguna. Inoiz esan dudan legez, elkarrekiko lana da hor erabakigarri, eta, Euskaltzaindiarentzat ere, hor dago bidea, behinola hainbat ekimenen sortzea eta legeztatzea izan zen moduan, gaineratu du. Ildo horretatik, Euskaltzaindiak eta Euskal Herriko Ikastolen Konfederazioak ere elkarren arteko hitzarmena sinatua dutela gogoratu du.

Ekitaldian, Andresa Urrutia euskaltzainburuaz gain, Jaime Martinez Lauro ikastolako zuzendaria eta Pedro Aranburu Euskal Herriko Ikastolen Konfederazioko presidentea ere egon dira, besteak beste.


162 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin