Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskaltzaindiak bere 2006ko hamaika osoko batzarrak zenbait euskal idazleri omenaldi eta urteurrenekin tartekatuko ditu


2006-01-31 16:54



BILBO, 31 (EUROPA PRESS)

Euskaltzaindiak 2006ko osoko batzarren egutegia aurkeztu du gaur goizean Bilbon prentsaurreko batean eta guztira hamaika batzar izango direla, EAEko hiru lurraldeetatik, Nafarroatik eta Lapurdin ospatuko direla eta Euskaltzaindiaren hileroko ostiral hauetan lan akademikoez gain, arratsalde parteetan zenbait euskal idazleri, beren urteurren ezberdinen arabera, omenaldia egingo zaiela jakinarazi du.

Batzar orokor hauetariko lehena jadanik ospatua izan da iragan ostiralean Donostian. Gipuzkoako lurraldeak beste hiru batzar jasoko ditu aurten, hain zuen ere apirilak 27koa Urnietan, ekainak 30ekoa Zaldibian eta uztailak 21koa Debarroan.

Bizkaiak beste lau batzar jasoko ditu, hoietatik hiru Euskaltzaindiaren Bilboko egoitzan, otsailak 24, irailak 29 eta azaroak 24 alegia. Beste batzar bizkaitarra Elantxoben izango da maiatzak 26an.

Nafarroako Foru Erkidegoak Euskaltzaindia jasoko du urriak 27an, aurten Beran ospatuko den Nafarroa Oinez ekimenaren alde. Bestalde, Gasteiz eta Baionako ordezkaritza-bulego berriak bere estreinaldia izango dute martxoak 31 eta abenduak 22an, hurrenez hurren.

Batzar arrunt hauetan goizeko bileretan lan akdemikoak izango dira hizpide eta arratsaldean omenaldiak izango dira nagusi. Eta hauen artean, 2006an berezi bezala ospatuko diren ekimenen artean gasteiztar ordezkaritzaren aurkezpena, Ana Toledoren sarrera hitzaldia euskaltzain oso bezala edota Jean Haritschelhar-i omenaldia nabarmentzen dira.

Euskaltzaindiaren 2006ko osoko batzarren egutegi osoa eta berauetan hizpide izango diren gai zehatzen informazio gehiago euskal hizkuntz akademia beraren webgunean, www.euskaltzaindia.net helbideko zer berri atalean aurki daiteke.


344 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin