Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskalmeten astebururako eguraldiaren iragarpena


2009-02-13 17:29

BILBO, 13 (EUROPA PRESS)

Euskalmet Meteorologiaren Euskal Agentziaren iragarpenaren arabera, bihar, ipar partean laino maskal gehiago agertuko dira. Egunaren lehen orduak freskoak izango dira eta barnealdeko zenbait puntutan izotza botako du.

Ekialdeko haizeak bultzatuko dituen hodeiekin, zerua motelago agertuko da ipar partean eta akaso zirimiria ere egin dezake eguerdi partean han-hemenka. Gero eta hegoalderago joan, orduan eta urdingune zabalagoak ikusiko ditugu.

Arratsaldean, ipar partean ere hodeitza urrituz joango da eta giro argiagoa nagusituz joango da. Tenperatura maximoak egonkor mantenduko dira eta kostaldean termometroak 11 gradu inguruan ibiliko dira eta 7-9 graduren bueltan barnealdean.

Igandea eguzkitsu helduko da, baina goizeko lehen orduak hotzak izango dira eta izotza botako du ia lurralde osoan. Egunsentian, behe-lainoak sortuko dira eta Arabako zenbait lekutan iraunkorrak izan daitezke. Gainontzeko orduetan zerua hodei gutxirekin egongo da.

Ekialdeko haize ahula ibiliko da. Tenperatura minimoak jaitsi egingo dira eta Arabako zenbait puntutan, -5 gradu baino gutxiago neurtuko dira. Kostaldean 0 graduren inguruan ibiliko dira termometroak. Maximoak berriz, errekuperatuz joango dira.

ITSASOA

Itsasoan, larunbatean ekialdeko haizeak 2-3ko indarrarekin itsaso kizkurra edo itsaskirria eragingo du. Arratsaldean zakartu egingo da eta 3-4ko indarra hartuko du, itsaskirria eraginez, itsaskiko guneekin. Ipar-mendebaldeko hondoko itsasoak 1-1,5 metro inguruko olatuak altxatuko ditu.

Uraren tenperatura 11 gradukoa izango da eta ikus-eremua 10 kilometrotik gorakoa. Itsasgorak 6:26an eta 18:43an izango dira, eta itsasbeherak, 00:09an eta 12:34an.

Igandean, ekialdeko haizeak 3-4ko indarra izango du eta itsaskirria eragingo du, itsaskiko guneekin. Ipar-mendebaldeko hondoko itsasoak metro bateko inguruko olatuak altxatuko ditu.

Uraren tenperatura 11 gradukoa izango da eta ikus-eremua 10 kilometrotik gorakoa. Itsasgorak 7:04an eta 19:23an izango dira, eta itsasbeherak, 00:49an eta 13:14an.


1178 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin