Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskalmeten astebururako eguraldiaren iragarpena


2009-02-06 17:33

BILBO, 6 (EUROPA PRESS)

Euskalmet Meteorologiaren Euskal Agentziaren iragarpenaren arabera, bihar giro kaxkarrarekin jarraituko dugu. Ipar-mendebaldeko haizeak hodei lodiak ekarriko ditu eta prezipitazioak espero dira. Ezegonkortasuna dela eta, zaparradak tarteka mardulak izango dira, ekaitzak joko du eta txingorra ikusteko aukera izango da, bereziki Kantauri isurialdean.

Elur-maila 500 metro inguruan mantenduko da; hortaz bazter asko zurituta agertuko dira. Termometroak beherako bidea jarraituko du; goizean zeropetik kokatuko da barnealdeko tokietan eta beroenak 8 gradutik ezin pasa ibiliko dira Euskal Herri osoan.

Igandean epeltzen hasiko da. Goizean haizeak hego-mendebaldera egingo du eta ondorioz tenperaturak gora egingo du eta berarekin elur-mailak. Prezipitazioak espero dira, oro har aurreko egunetan baino arinagoa, eta elur-kota goizean zehar igotzen joango da arratsaldean 1.500 metro inguruan kokatuz.

Goiza oraindik hotza izango da eta izozteak izateko arriskua egongo da barnealdeko tokietan. Hala ere, beroenak 10-11 gradura iritsi daitezke kostaldeko tokirik beroenetan.

ITSASOA

Itsasoan, bihar ipar-mendebaldeko haizea ibiliko da 6-7ko indarrarekin eta itsaso zakarra edo itsaso oso zakarra eragingo du. Arratsaldean haizea baretu egingo da 5-6ko indarra hartuz eta itsaski handia edo itsaso zakarra eragingo du. Ipar-mendebaldeko hondoko itsasoak 3-3,5 metro arteko olatuak altxatuko ditu eta arratsaldean 2,5 metrokoak.

Uraren tenperatura 11 gradukoa izango da eta ikus-eremua 1 eta 4 kilometro bitartean kokatuko da. Itsasgorak 1:19an eta 13:56an izango dira, eta itsasbeherak, 7:34an eta 19:52an.

Igandean, eguneko lehen partean ipar-mendebaldeko haizea ibiliko da 4ko indarrarekin eta itsaskia eragingo du. Eguerdi aldean hego-mendebaldera egingo du, 3-4ko indarrarekin; itsaso kizkurra eragingo du lehenengo bi milietan eta itsaskirria edo itsaskia gainerakoetan. Ipar-mendebaldeko hondoko itsasoak 1,5-2 metro arteko olatuak altxatuko ditu.

Uraren tenperatura 11 gradukoa izango da eta ikus-eremua 4 eta 10 kilometro bitartean kokatuko da. Itsasgorak 2:15ean eta 14:47an eta 13:56an izango dira, eta itsasbeherak, 8:29an eta 20:42an.


259 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin