Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskalmeten astebururako eguraldiaren iragarpena


2009-01-30 17:31

BILBO, 30 (EUROPA PRESS)

Euskalmet Meteorologiaren Euskal Agentziaren iragarpenaren arabera, bihar fronte hotz batek lurraldea zeharkatuko du, eta bidean, hodeiak eta euri apur bat utziko ditu. Arratsalde eta gau partean espero da euri gehien, baina tartekako zaparradak besterik ez dira izango.

Arratsaldean, haizeak hegoaldetik ipar-mendebaldera egingo du. Hori dela eta, gaueko tenperaturak antzera jarraituko duen arren, maximoek behera egingo dute pixka bat.

Itsasoan, hegoaldeko haizeak, 4-5eko indarrarekin, lehenengo bi milietan itsaso kizkurra edo itsaskirria eragingo du eta gainontzekoetan itsaskirria edo itsaskia.

Arratsaldean mendebal/ipar-mendebaldera aldatuko da 4ko indarrarekin, 5-6ko tarteekin hasieran, eta itsaskia eragingo du, itsaski handiko guneekin. Ipar-mendebaldeko hondoko itsasoak 1,5-2 metro inguruko olatuak altxatuko ditu.

Uraren tenperatura 11-12 gradukoa izango da eta ikus-eremua 4 eta 10 kilometro bitartean egongo da. Itsasgorak 6:16an eta 18:32an izango dira, eta itsasbeherak, 00:01ean eta 12:24an.

IGANDEA

Igandean giro goibela eta euritsua espero dugu. Oro har, euri arina izango da, zenbait lekutan indar handiagoz bota dezakeen arren. Kantauri isurialdean euri gutxiago egingo du.

Eguneko ezaugarririk adierazgarriena, aldiz, hegoaldeko haize bizia izango da, zakar joko duelako batez ere kostaldetik hurbil eta mendi inguruetan. Gaueko eta goizaldeko tenperaturak behera egingo du baina egunekoa antzera mantenduko da.

Itsasoan ere hegoaldeko haizea ibiliko da, 4-5eko indarrarekin eta 6ko tarteekin. Lehenengo bi milietan itsaso kizkurra edo itsaskirria eragingo du eta gainontzekoetan itsaskia. Ipar-mendebaldeko hondoko itsasoak 1-1,5 metro inguruko olatuak altxatuko ditu.

Uraren tenperatura 11-12 gradukoa izango da eta ikus-eremua 4 eta 10 kilometro bitartean egongo da. Itsasgorak 6:55ean eta 19:12an izango dira, eta itsasbeherak, 00:39an eta 13:04an.


208 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin