Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskalmeten astebururako eguraldiaren iragarpena


2009-01-16 16:38

BILBO, 16 (EUROPA PRESS)

Euskalmet Meteorologiaren Euskal Agentziaren iragarpenaren arabera, bihar eguzkia izango da nagusi. Goizaldean lainoa sortuko da eta barnealdeko zenbait lekutan iraunkorra izan daiteke, bertan gaueko tenperaturak hotzak izango baitira.

Egunaren gainontzekoan, aldiz, zerua hodei gutxirekin izango da. Haizeak hego-mendebaldetik joko du, eta azken orduetan indarra hartzen joango da.

Itsasoan ere hego-mendebaldeko haizea ibiliko da, 3ko indarrarekin, 4ko tarteekin egunaren lehen partean eta azken orduetan lurraldearen iparraldean. Lehenengo bi milietan itsaso kizkurra eragingo du, eta gainontzekoetan itsaskirria, itsaskiko guneekin egunaren lehen partean eta azken orduetan. Ipar-mendebaldeko hondoko itsasoak 2,5-3 metro inguruko olatuak altxatuko ditu.

Uraren tenperatura 11-12 gradu bitartekoa izango da eta ikus-eremua 10 kilometrotik gorakoa. Itsasgorak 7:50an eta 20:17an izango dira, eta itsasbeherak, 1:28an eta 14:02an.

Bestalde, iEgunaren lehen partean eta azken orduetan hego-mendebaldeko haizea ibiliko da, 4-5eko indarrarekin. Lehenengo bi milietan itsaskirria eragingo du, gainontzekoetan itsaskia. Arratsaldean zehar baretu egingo da, 2-3ko indarra hartuz. Lehenengo bi milietan itsaso kizkurra eragingo du, gainontzekoetan itsaskirria. Ipar-mendebaldeko hondoko itsasoak 3-3,5 m inguruko olatuak altxatuko ditu, egunean zehar handitu eta 4,5-5 m-koak altxatuko ditu.

Igandean egoera aldatzen joango da. Goizean goiz hodei gehiago izango dira, eta hodei hauek euri tantaren bat utzi dezakete Kantauri isurialdean arratsalde eta gau partean. Hala ere, hego haizeari esker, tenperatura maximoak atseginak izango dira, eta kostaldean 13-15 gradu bitartean egongo dira eta 9-11 graduren bueltan barnealdean.

Itsasoari dagokionez, egunaren lehen partean eta azken orduetan hego-mendebaldeko haizea ibiliko da, 4-5eko indarrarekin. Lehenengo bi milietan itsaskirria eragingo du, eta gainontzekoetan itsaskia.

Arratsaldean zehar baretu egingo da, 2-3ko indarra hartuz. Lehenengo bi milietan itsaso kizkurra eragingo du, eta gainontzekoetan itsaskirria. Ipar-mendebaldeko hondoko itsasoak 3-3,5 metro inguruko olatuak altxatuko ditu, eta egunean zehar handitu eta 4,5-5 metrokoak altxatuko ditu.

Uraren tenperatura 11-12 gradu bitartekoa izango da eta ikus-eremua 10 kilometrotik gorakoa. Itsasgorak 8:42an eta 21:17an izango dira, eta itsasbeherak, 2:19an eta 14:56an.


227 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin