Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal prentsari eta euskalkiei buruzkoak dira argitaratu diren Euskara Mintzagai liburu bildumaren bi ale berriak


2009-01-22 13:59

BILBO, 22 (EUROPA PRESS)

Eusko Jaurlaritzako Hizkuntza Politikarako Sailburuordetzak, Labayru ikastegiarekin eta Udako Euskal Unibertsitatearekin (UEU) elkarlanean, Euskara Mintzagai liburu bildumaren bi ale berri argitaratu ditu: Euskal Herriko prentsa XVIII. mendetik 1945era eta Euskara eta euskalkiak.

2007. urtearen bukaeran sortu eta jarri zen abian Euskara Mintzagai bilduma. Bildumako lehen bi liburuxkak argitaratu ziren orduan: Euskararen geografia historikoa eta Ahozko hitzetatik idatzietara. Orain beste bi plazaratu dira: bildumako hirugarren zenbakia, Euskal Herriko prentsa XVIII. mendetik 1945era izenburu duena; eta laugarrena, Euskara eta euskalkiak.

Euskara Mintzagai bildumak -izenak dioen bezala- euskara du mintzagai eta aztergai, eta helburu hori du bildumak, hots, euskararen azken mendeetako bilakaera historikoa aztertu eta modu dibulgatiboan eskaintzea.

Dibulgazioa ere bada bildumaren beste helburuetako bat, eta hortik datoz bere ezaugarriak (testu irakurterrazak, argazki, mapa, grafiko eta irudiz osaturikoak), hartzaileak (ikasle-irakasleak, gazteak, euskararen inguruko gaietan interesa duen oro) eta zabalkundea (ikastetxeak, euskaltegiak, liburutegiak, web ataria).


208 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin