Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal ordezkaritza batek hartuko du parte gaur hasi den Etorkizuneko Energiaren Goi Bileran, Abu Dhabin


2009-01-19 12:23

BILBO, 19 (EUROPA PRESS)

Eusko Jaurlaritzako Industria, Merkataritza eta Turismo Sailak, Bizkaiko Foru Aldundiak, Energiaren Euskal Erakundeak (EEE), Bilbao Exhibition Centrek (BEC) eta energiaren sektoreko zenbait euskal enpresak osatzen dute gaur Abu Dhabin inauguratutako World Future Energy Summit Goi Bileran parte hartzen ari den euskal ordezkaritza.

Hiru egunetan zehar egingo diren etorkizuneko energiari buruzko ehundik gora hitzaldi eta mahai-inguruz gain, goi bilerak erakusketa-eremu zabal bat ere badu, 300 enpresa eta erakunde publiko zein pribaturen standak biltzen dituena. Abu Dhabi National Exhibition Centren eremu honetan kokatzen da, hain zuzen ere, datorren ekainean BECen egingo den Etorkizuneko Energiari buruzko Europar Foroari buruzko informazioa hedatzeko EVE-BECen standa.

Asteazkenean, Ana Agirre Industria, Merkataritza eta Turismo sailburuak egingo du 2009ko ekainaren 9tik 11ra egingo den Etorkizuneko Energiari buruzko Europar Foroaren aurkezpen ofiziala, Abu Dhabiko goi-bileran parte hartzen ari diren milaka ordezkarien aurrean.

Aurkezpen honen aurretik, Industria, Merkataritza eta Turismo sailburuak, World Future Energy Summiten egitarauaren barruan, hitzaldia eskainiko du Energia baliabide urriko lurraldearentzat alternatibak izenburupean.

Agirrek Abu Dhabikoa bezalako goi bilera batean parte hartzearen garrantzia azpimarratu du. Bere esanetan, energiaren alorrean, bai ikerketa, teknologia, energia-baliabide berriak edota gobernuen estrategia politikoetan, lan eskerga egiten ari diren herrialde, erakunde eta enpresak bildu dira hemen.

Munduko beste toki batzuetan egiten ari direna ezagutzeko aukera paregabea eskaintzen digu honek, baita azken urteetan Euskadin eman ditugun aurrerapausuak aurkezteko ere, hala nola CIC energiGUNE, Energia Alternatiboen Ikerketa Kooperatiboko zentroa abiaraztea, adierazi du.

Inaugurazio ekitaldia baino lehenago, Industria, Merkataritza eta Turismo sailburuak eta Izaskun Artetxe Bizkaiko Foru Aldundiko Sustapen Ekonomikorako diputatuak Sener enpresak WFESen duen standa bisitatu dute.

Ahmed Al Jaber Abu Dhabiko sultanak, Willem-Alexander Herbeheretako Printzeak, James Alix Michel Seychelles Errepublikako presidenteak eta Sigmar Gabriel Alemaniako Ingurumen Ministroak hartu dute parte World Future Energy Summit-en inaugurazio ekitaldian.

Masdar Abu Dhabiko energia berriztagarri eta alternatiboetan eta energia garbietan inbertsiorako konpainiak antolatuta, World Future Energy Summit goi bilera honezkero energiaren alorreko munduko hitzordurik garrantzitsuena bilakatu da, 15.000 parte-hartzaile, 20 gobernu-ordezkaritza, 23 herrialdetatik etorritako 110 hizlari, 27 herrialdetako 300 enpresa-erakusketari eta 500 hedabide akreditatuta.

Energia-iturri ezberdinak (eguzki energia, itsasokoa, eolikoa, ikatza) eta ikerketa, heziketa, eraikuntza edota estrategia politikoak dira goi bileran aurkeztu eta eztabaidatuko diren gai nagusiak. WFESren amaiera ekitaldian, asteazken arratsaldean, Tony Blair Britania Handiko lehen ministro izandakoak hartuko du parte, Breaking the Climate Deadlock Initiative ekimenaren bultzatzaile bezala.


155 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin