BILBO, 7 (EUROPA PRESS)
Sodupe herri bizkaitarrak euskal musikaren erakusketa bat eskainiko du hilaren 10etik 12ra bitartean, San Lorentzoko malkoak gertakari meteorologikoarekin bat eginez, Sodupeko Udaleko iturriek gaur jakinarazi dutenez. San Lorentzoko malkoak zeruan ikus daitekeen ozar-izarra da.
Horrela, Tapia eta Leturia, Iñoren Ero Ni, Sagarroi, Makala eta Ruper Ordorika arituko dira hiru egunetan zehar. Aurten lehenengo aldiz antolatu da erakusketa, eta abuztuaren 10etik 14ra bitratean Sodupen ospatuko diren San Lorentzo jaien baitan dago.
Tapia eta Leturiak folk kosmikoko emanaldi bat eskainiko dute hilaren 10ean, 22,30etan hasita; hurrengo egunean, Inoren Ero Nik hardcore, funky eta hip hop soinuak uztartuko dituzte 23,00etatik aurrera; Inoren Ero Niren ondoren, Sagarroi taldea arituko da, eta Makala Soun Systemak bukatuko du gaua.
Azkenik, abuztuaren 12an, gauerdian, Ruper Ordorikak eta Mugalariak arituko dira, euskal kantutegiko ibilbide ederrenetakoa eta curriculum bikainak dituzten musikariak, alegia.
