Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Jaia ospatuko da igande honetan Bilboko Kasilda Iturrizar Parkean


2006-09-22 12:01

BILBO, 22 (EUROPA PRESS)

Bilboko Udaleko Kultura eta Euskara Sailak Euskal Jaiaren edizio berri bat antolatu du igande honetarako, euskal kultura sustatzeko asmoz. Kasilda Iturrizar Parkeko Pergolan ospatuko da, goizeko 10,30etan hasi eta gaueko 21,30ak arte. Prestatutako egitarau zabalaren barruan, ekitaldirik nabarmenenak, Beti Jai Alai taldeak eskainiko duen euskal dantzen jaialdia eta publiko guztientzako erromeria izango dira.

Halaber, ez dira faltako txikienentzako jarduerak, hala nola, erraldoi eta buruhandien kalejira, Gargantua, puzgarriak, mitologia tailerra eta ipuin-kontalariak, eta haurrentzako antzerkia Patxin eta Potxin taldearekin, umeei Iparrameriketako indioak hobeto ezagutzera lagunduko dietenek Indioen lurraldea ikuskizunaren bitartez, antolatzaileek jakinarazi dutenez.

Aipatu bezala, Euskal Jaia 10,30etan hasiko da ofizialki. 2 eta 7 urte tarteko haurrek ludoteka puzgarrian parte hartzeko aukera izango dute, etxe sorgindua, txirrista errokodromoa eta eragozpenak dituen gaztelua tarteko direla, eta apar-gomaz azaleztatutako 60 figura baino gehiago dituen irudimen eta eraikuntza ludoteka handiaz eta kanguro jauzkariez ere gozatu ahal izango dira.

Ondoren, 11,00etatik aurrera, Gargantuak txikiak irentsiko ditu eta kale-animazioa egongo da erraldoi eta buruhandien kalejirarekin. Ordu berean, izaki eta kondaira mitologikoei buruzko Tailer batean parte hartzeko izena eman ahal izango dute (12,30ak arte). Neskato eta mutikoak gogotik jostatuko dira tamaina handiko marrazkiak, maskarak, hiru dimentsioko posta-txartelak eta kartoizko panpinak eginez, eta jardueraren buruan, aurpegiak hautaturiko pertsonaia mitologikoen antzera margoztuko dizkiete.

Jarraian, Indioen lurraldea haur-ikuskizuna izango da (12,30etatik 13,30etara) eta Patxinek eta Potxinek Indio amerikarren kultura erakutsiko diete haurrei: ohiturak, dantzak, keinuak eta abar. Honela, umeak gonbidatuta daude jolas egitera eta gainera kultura honen elementurik adierazgarrienak ikusteko aukera izango dute, buruzagia, zaldia edota aztia.

Euskal Jaiak arratsaldean jarraituko du (17,00etan) tailerrekin eta pertsonaia mitologikoen kondairak gogora ekarriko dituen ipuin-kontalariaren esku. Jaiak aurrera egingo du euskal dantzen jaialdiarekin, ospakizunaren ekitaldi nagusia, Beti Jai Alai dantzari taldearen esku, 19,00etan. Euskal Jaiarekin bukatzeko erromeria bat egingo da (20,00etan).


151 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin