Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Herriko Unibertsitateak bere hezkuntza-eskaintza aurkeztuko du Gipuzkoa osoan


2006-11-17 16:44

DONOSTIA, 17 (EUROPA PRESS)

Euskal Herriko Unibertsitateak (EHU) argibideak emateko saioak egingo ditu azaroan eta abenduan, Euskal Autonomia Erkidegoko hainbat eskualdetan. Helburua da unibertsitate-aurreko ikasleekin, haien familiekin, orientatzaileekin eta irakasleekin harremanetan jartzea lehenengoz.

EHUko zenbait ordezkarik unibertsitatearen hezkuntza-eskaintza aurkeztuko dute unibertsitatera sartzeko egin beharreko tramiteak azalduko dituzte. Guztira, argibideak emateko 25 saio egingo ditu Autonomia Erkidego osoan (12 Gipuzkoan, 3 Araban eta beste 10 Bizkaian), azaroaren 21etik hasita.

Gipuzkoan, hain zuzen, argibideak emateko lehenengo saioa azaroaren 21ean izango da, Azpeitiko Enparan Dorre Etxeko areto nagusian. Aste horretan ere, EHUk bere eskaintza Zarautzen aurkeztuko du, azaroaren 22an, Lizardi BHIko areto nagusian, eta azaroaren 23an, berriz, Eibarko Portalea Kultur Etxean.

Hurrengo astean, EHUko ordezkariak Arrasateko Monterron Kultur Etxean egongo dira hilaren 27an; hilaren 28an Errenteriako Reina Aretoan eta hilaren 29an (asteazkena) Legazpiko Kultur Etxean.

Astebeteko atsedenaldiaren ondoren, abenduaren 11n, berriro ekingo zaie saioei, Andoaingo Bastero Kulturgunean.

Abenduaren 12an Donostian egingo da saioa, Ibaetako campuseko Filosofia eta Hezkuntza Zientzien Fakultatean. Abenduaren 13an, EHUko ordezkariak Tolosako Kultur Etxera joango dira, eta abenduren 14an, berriz, Irungo Pio Baroja BHIn egongo dira. Argibideak emateko azken saioa Beasaingo Txindoki-Alkartasuna BHIn izango da azaroaren 18an.

Saio guztiak arratsaldeko 18,30ean hasi eta 20,00ak aldera amaituko dira.


401 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin