Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Herriko Unibertsitateak bere hezkuntza eskaintza aurkeztuko du bihar eta etzi Bilbon


2006-12-12 13:13

BILBO, 12 (EUROPA PRESS)

Euskal Herriko Unibertsitatea (EHU) bere hezkuntza eskaintza aurkezteko informazio saioak ari da egiten joan den azarotik Euskal Autonomia Erkidegoko (EAE) hainbat eskualdetan, eta bihar eta etzi Bilbon aurkeztuko du, EHUko iturriek gaur jakinarazi dutenez.

Saio hauen bitartez, lehendabiziko hartu-emana egin nahi da unibertsitatera oraindik sartu ez diren ikasleekin, bai eta haien guraso, orientatzaile eta irakasleekin ere. Horrela, EHUko ordezkariak joaten dira unibertsitatearen berri ematera, EHUko eskaintza akademikoa aurkeztera eta unibertsitatera sartzeko burutu behar diren urratsak azaltzera.

Guztira, 25 informazio saio antolatu dira EAEko zenbait eskualdetan zehar: 12 saio Gipuzkoan; beste hamar Bizkaian; eta hiru Araban. Saioak azaroaren 21ean hasi ziren.

Esan bezala, bihar eta etzi Bilbon aurkeztuko du EHUko bere eskaintza akademikoa: bihar, Ekonomia eta Enpresa Zientzien Fakultatean (Sarriko) izango da saioa, eta etzi, Industri Ingeniaritza Teknikoko Unibertsitate Eskolan (Casilla). Saioak arratsaldeko 18,30etan hasiko dira.

Bizkaian, dagoeneko, Durango, Portugalete, Gernika, Ondarroa, Getxo, Balmaseda eta Basaurin burutu dira saioak. Gaur bertan, EHUko ordezkariak Barakaldoko Nikolas Larburu GLBHIn egongo dira, arratsaldeko 18,30etatik aurrera.


346 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin