Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Herriko Notario Elkargoa sortu da eta asteazkenean izango da aurkezpen ofiziala, Bilbon


2009-01-19 17:37

BILBO, 19 (EUROPA PRESS)

Asteazken honetan aurkeztuko da formalki, Bilboko Euskalduna Jauregian, Euskal Herriko Notario Elkargo Txit Prestuaren eraketa. Erakunde berriak bere baitan bilduko ditu Araba, Bizkaia eta Gipuzkoako notarioak, notario-elkargoaren egitura lehenengo egokitu baitzaio Euskal Autonomia Erkidegoaren lurralde-eremuari, bere arduradunek gaur iragarri dutenez.

Euskal Herriko Notario Elkargoak aurrekari bat besterik ez du, hain zuzen ere, Euzkadiko Ziñaldarien Elkartea, bizitza laburra izan zuena; 1936. urteko abenduaren 20an sortu zen, Jose Antonio Agirre lehendakari zuen Eusko Jaurlaritzak emandako dekretuaren bitartez.

Asteazkeneko ekitaldian erakunde berria sortuko da eta, horrekin batera, Manuel Lopez Pardiñas elkargoaren lehenengo dekanoa eta bere zuzendaritza taldea karguez jabetuko dira.

Halaber, ekitaldian izango dira, besteak beste, Juan Jose Ibarretxe Eusko Jaurlaritzaren lehendakaria, Jose Marqueño Notariotzaren Kontseilu Nagusiaren burua, Izaskun Bilbao Eusko Legebiltzarreko presidentea, Fernando Ruiz Piñeiro EAEko Justizia Auzitegi Nagusiko burua eta Pilar Blanco-Morales Erregistroen eta Notarioen zuzendari nagusia.

Era berean, eta arratsaldeko saioan elkargo berria eratuko denez gero, egun berean, urtarrilak 21, baina 14,00 orduetan, elkargoaren egoitzan (Bilboko Henao kalean) plaka bat estalgabetuko da. Ekitaldi horretan izango dira, besteak beste, elkargoaren dekano izendatua, Notariotzaren Kontseilu Nagusiaren burua eta Erregistroen eta Notarioen zuzendari nagusia.


212 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin