Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal errepideetan hildakoen kopurua erdira jaitsi da puntukako gidabaimena indarrean sartu denetik


2006-09-01 14:22

Uztailean eta abuztuan hamaika pertsona hil dira EAEko errepideetan; iaz, epe berean, hogeita bi izan ziren zendutakoak

BILBO, 1 (EUROPA PRESS)

Euskal Autonomia Erikidegoko (EAE) hiriarteko bideetan uztailean eta abuztuan izandako auto-istripuetan, hamaika pertsona hil dira, aurreko urtean hilabete horietan izan zirenen erdia, hain zuzen. Zaurituen kopurua, bestalde, %30 baino gehiago jaitsi da, eta istripuak, aldiz, %25 murriztu dira guztira.

Herrizaingo Sailetik adierazten denez, Eusko Jaurlaritzako Trafiko Zuzendaritzaren ustez, jaitsiera hori -azken urteetan istripu eta heriotza gutxiago izateko joera azpimarratzen du- Bide Segurtasuneko Planen bidez hainbat aldetan (zirkulazioaren zainketa, bide-hezkuntza, kontzientzatzeko kanpainak, eta beste) egindako esfortzuaren ondorio zuzena da.

Halaber, jaitsiera horrek argi utzi du zein egokia izan den puntukako gidabaimena indarrean sartzea. Uztailean eta abuztuan, EAEko hiriarteko bideetan 1.557 istripu izan dira; 2005eko datuekin alderatuta nabarmen jaitsi da kopuru hori, iaz epe berean 2.093 istripu izan baitziren.

Guztira 79 pertsona larri zauritu dira (iaz 113) eta 632, aldiz, arin zauritu dira (iaz 954). Istripuen kopurua Bizkaian murriztu da gehien, %32,3ko jaitsiera izan baitu; ondoren, Gipuzkoa dago (%25,7eko jaitsiera) eta, azkenik, Araba (%3,8koa).

Trafiko Zuzendaritzaren aburuz, azken urteetan euskal errepideetako istripuen beheranzko joera berretsi eta sendotu egiten du estatistika horrek. Trafikoren ustez, urtero egiten diren Bide Segurtasuneko Planak emaitzak ematen ari dira eta puntukako gidabaimena indarrean sartzeak istripuak (batez ere, larriak) murrizteko joera sendotzeko balio izan du.

2006ko Bide Segurtasuneko PlanaHarrapatzeen eta gehiegizko abiaduraren aurka lan egitea da Euskadin Bide Segurtasuneko Euskal Batzordeak 2006rako ezarri duen lehentasuna. 2006ko Bide Segurtasuneko Planak 27 erakunde eta instituziok 279 ekimenetan parte hartzea jaso du, zirkulazioaren eta errepideen segurtasuna hobetzeko helburuarekin. Ekintza horietarako 16 milioi euro baino gehiago bideratzea aurreikusi dute.


151 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin