Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko txikizkako merkataritzaren salmentak %0,1 jaitsi ziren 2008. urtean


2009-02-06 14:25

BILBO, 6 (EUROPA PRESS)

Euskal Autonomia Erkidegoko (EAE) txikizkako merkataritzaren sektoreko salmentek metatutako %0,1eko jaitsiera nominala izan zuten 2008. urtean, eta termino errealetan %2,3koa izan ze murrizketa, Eustat Estatistikaren Euskal Erakundeak gaur jakinarazi dituen datuen arabera.

Lurraldeka jaitsierak izan ziren EAEko hiru herrialdeetan: Gipuzkoan, %1,4koa; Bizkaian, %0,4koa; eta Araban, %2,7koa. Termino errealetan, Araban %4,2 jaitsi ziren, Bizkaian %2,6 eta Gipuzkoan %1.

Aurreko urteko batez bestekoaren aldean, txikizkako merkataritza sektoreko enpleguak izan zuen hazkundea %0,1ekoa izan zen. Lurraldeka, sektoreko enplegua %1 jaitsi zen Gipuzkoan eta %1,2 Araban; Bizkaian %1 igo zen.

Bestalde, 2008ko laugarren hiruhilekoan, EAEko txikizkako merkataritzaren salmenta nominalak %4 jaitsi ziren, aurreko ekitaldiko hiruhileko berdinaren aldean. Hazkunde nominal hori, prezioen igoeraren eragina kenduta, %5,4ko urte arteko tasa negatiboa da balio errealetan.

Txikizkako merkataritza espezializatuaren salmenta nominalak %4,7 jaitsi ziren iazko laugarren hiruhilekoan, 2007ko hiruhileko berdinaren aldean. Jaitsiera nominal hori, azpisektoreetako prezioen bilakaeraren emaitza gisa, %5,7ko jaitsiera erreal bihurtu da.

Balio nominaletan, txikizkako merkataritza ez-espezializatua %2,2 jaitsi zen urteko laugarren hiruhileko horretan. Prezioen bilakaera kontuan hartuta, urte arteko tasa errealaren jaitsiera zenbatetsia %4,9 izan da, 2007ko hiruhileko beraren aldean.

Txikizkako merkataritza espezializatuan, urte arteko jaitsiera-tasarik handiena Etxeko hornikuntzaren sektorean izan zen, %6,7ko jaitsierarekin (%8,6koa balio errealetan); Kontsumoko beste ondasunek, berriz, jaitsiera apalagoa izan zuten, %5,2koa uneko eurotan eta %6,5ekoa finkoetan; Jateko produktuen salmentak %2,5 jaitsi ziren balio nominaletan eta %5,3 balio errealetan; Pertsonaren hornikuntzako produktuen salmentak %2,6 jaitsi ziren balio nominaletan eta %2,5eko termino errealetan.

Txikizkako merkataritza ez-espezializatuaren arloan, elikagaiak nagusi diren azpisektoreetan %1,4koa izan zen urte arteko salmenten jaitsiera. Gainerako produktuak nagusi diren azpisektoreek %6,6ko murrizketa izan zuten; euro finkotan %4,2 eta %8,8 jaitsi ziren, hurrenez hurren.

Lurraldeka, 2008ko laugarren hiruhilekoko txikizkako sektorearen salmenten jaitsierarik handiena Araban izan zen (urte arteko %7,9); txikizkako merkataritza espezializatuaren salmentak %8,5 jaitsi ziren eta %5,1 ez-espezializatuarenak.

Bizkaian %3,7 jaitsi ziren txikizkako merkataritzaren salmentak. Txikizkako merkataritza espezializatuaren salmentak %4,1 jaitsi ziren eta %2,6 ez-espezializatuarenak.

Gipuzkoak bilakaera apalagoa izan zuen txikizkako salmentetan, eta %2,7ko jaitsi zen. Txikizkako merkataritza espezializatuko salmentak %3,8 jaitsi ziren eta ez-espezializatuetako salmentak %0,2 igo, betiere urte arteko aldakuntza nominaleko terminoetan.

Azkenik, EAE osoan, 2008ko hirugarren hiruhilekoaren aldean, txikizkako merkataritzako sektoreko landunen kopurua %1,3 murriztu zen 2008ko laugarren hiruhilekoan.


197 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin