Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko industri prezioak %0,2 igo ziren joan den azaroan


2006-12-22 12:23

BILBO, 22 (EUROPA PRESS)

Euskal Autonomia Erkidegoko industri prezioak %0,2 igo ziren joan den azaroan. Datu horren arabera, azaroko urte arteko tasa (azken 12 hilabetean industria-prezioek izandako aldakuntza laburbiltzen duena) %4,9 hazi zen; 2005eko abenduaren aldean, berriz, 2006ko lehen 11 hilabeteetan, industria-prezioak %4,8 hazi dira, Eustaten datuen arabera.

Sektorekako azterketa xeheagoak agerian uzten du 2006ko azaroan, Energia elektrikoa, gasa eta ura (%1,2), Metalgintza eta metalezko gaiak (%0,5), Kimika-industria (%0,5) eta Ez-metalezko industria (%0,5) adarrek igo zituztela gehien prezioak, aurreko hilaren aldean.

Bestalde, prezioetan jaitsierak izan zituzten sektoreak honakoak izan ziren: Petrolioa fintzea (%-0,8), Ehungintza eta jantzigintza (%-0,8), Metalezko eta ez-metalezko meak (%-0,6), Kautxua eta plastikoa (%-0,1), Zurgintza (%-0,1) eta Bestelako manufakturak (%-0,1).

Urte arteko aldian, hots, 2005eko azaroaren aldean 2006ko azaroan, prezio-hazkunderik handienak, Energia elektrikoa, gasa eta ura (%17,0), Metalgintza eta metalezko gaiak (%11,1), Ehungintza eta jantzigintza (%8,3), Kimika-industria (%4,1), Kautxua eta plastikoa (%3,8) eta Papera, edizioa eta arte grafikoak (%3,8) izan dituzte.

Aitzitik, sektore hauetan prezioak jaitsi egin dira edo ez dira horrenbeste hazi: Petrolioa fintzea (%-3,8), Garraio-materiala (%-2,4), Material elektrikoa (%0,5), Bestelako manufakturak (%0,7), Zurgintza (%0,9) eta Metalezko eta ez-metalezko meak (%1,4).

Ondasunen helburu ekonomikoaren araberako sailkapenari jarraituz, aurreko hilaren aldean, azaroan sektore-talde handietako prezioen bilakaerak desberdinak izan ziren. Izan ere, Bitarteko ondasunen (%0,4) prezioak eta Ekipo-ondasunenak (%0,2) igo egin ziren, eta Kontsumo-ondasunenak, berriz, mantendu (%0,0), kontsumo-ondasun iraunkorren eta kontsumo-ondasun ez-iraunkorren prezioak bere horretan mantendu baitziren azaroan. Bestalde, Energiaren prezioa %0,2 jaitsi zen.

Ondasun-talde horietako prezioen bilakaerek ere alde handiak izan zituzten urte arteko aldian, guztiek urte arteko hazkunde positiboak lortu zituzten arren: Bitarteko ondasunen prezioak %8,2 igo ziren, Ekipo-ondasunenak %1,5 eta Kontsumo-ondasunenak %2,7; azken horien barruan, kontsumo-ondasun ez-iraunkorren prezioak %4,0 igo ziren, eta kontsumo-ondasun iraunkorrenak %0,3. Energiaren prezioak %2,3 igo ziren urte arteko aldian.


119 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin