Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko industri jarduerak urte arteko %3,1eko hazkunde-tasa izan zuen joan den irailean


2006-11-02 10:25

BILBO, 2 (EUROPA PRESS)

Euskal Autonomia Erkidegoko industri produkzioa 2005eko otsailaren aldean %3,1 hazi zen joan den irailean, Eustaten datuen arabera, eta lan-egutegi homogeneoari dagokionez. Urteko lehenengo bederatzi hilabeteetako hazkundea %4,2koa izan da, 2005eko aldi beraren aldean.

Bestalde, joan den irailean, eta abuztuaren aldean, Euskal Autonomia Erkidegoko industri produkzioa %3,2 murriztu da baina estazionalitate-ondorioak zuzendu ostean.

Sektoreen arabera, eta industri sektore nagusienen sailkapena kontuan hartuta, 2006ko iraileko indizearen bilakaerak (2005eko irailaren aldean) zeinu ezberdineko aldaketak izan zituen sektore guztietan: Ekipamenduko ondasunak %5,9 hazi ziren, Tarteko ondasunak %3,1 eta Energia %4,9; baina Kontsumoko ondasunak %4,7 murriztu ziren, kontsumo-ondasun ez iraunkorrek eta kontsumo-ondasun iraunkorrek izandako beherapenen ondorioz (%-6,5 eta %-1,3 hurrenez hurren).

2006ko iraileko hilabete arteko aldakuntzek (2006ko abuztuaren aldean) zeinu ezberdina izan dute industriako sektoreetan. Horrela, Ekipamenduko ondasunak %8,2 murriztu dira hilabete artean, Tarteko ondasunak %0,6 gehitu dira aurreko hilaren aldean, Energia %3,3 gehitu da eta Kontsumoko ondasunak %1,1 murriztu dira abuztukoen aldean, kontsumo-ondasun iraunkorrak %1,2 gutxitu direlako eta kontsumo-ondasun ez iraunkorrak %1,0 gehitu direlako.

Lurralde historikoen arabera, Industri Produkzioaren Indizearen urte arteko bilakaerak ezberdinak izan ziren hiru lurraldeetan: Araban %1,0 murriztu zen, Bizkaian %5,4 gehitu eta Gipuzkoan %3,0.

2006ko abuztutik irailera lurraldeetan tasa hauen izan dira: Araban %9,2 murriztu da tasa, Gipuzkoan %3,4 murriztu da eta Bizkaian %0,2 gehitu.


120 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin