Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko industri jarduera %4,7ko urte arteko tasara igo zen joan den urrian


2006-12-01 11:10

BILBO, 1 (EUROPA PRESS)

Euskal Autonomia Erkidegoko (EAE) industri produkzioa %4,7 hazi zen joan den urrian, lan-egutegiko baldintza homogeneotan, eta 2005eko hil beraren aldean. Urteko lehen hamar hilabeteetan, aldiz, %4,3ko hazkunde metatua egon da, 2005eko aldi beraren aldean, Eustatek emandako datuen arabera. Bestalde, urtaroen eragina zuzenduta, 2006ko urrian %0,2 hazi zen industri produkzioa, 2006ko irailarekin alderatuta.

Sektoreka, industri sektore handien sailkapena kontuan hartuta, joan den urriko indizearen bilakaerak honako aldakuntzak izan zituen, 2005eko urriaren aldean: Ekipo-ondasunak %10 hazi ziren; Bitarteko ondasunak %3,8; Kontsumo-ondasunak %1,6, Kontsumo-ondasun iraunkorrek (%3,6) eta Kontsumo-ondasun ez-iraunkorrek izandako igoeren eraginez; aitzitik, Energia %2,8 jaitsi zen.

2006ko irailaren aldean, urriko hil arteko aldakuntzaren zeinua bestelakoa izan zen industri sektoreetan. Ekipo-ondasunek hil arteko %1,5eko gorakada izan zuten; Bitarteko ondasunak %0,6 igo ziren aurreko hilaren aldean; eta Kontsumo-ondasunak %1,1 hazi ziren aurreko irailarekin alderatuta, Kontsumo-ondasun iraunkorrek (%2,1) eta Kontsumo-ondasun ez-iraunkorrek (%0,6) izandako igoeragatik. Energia %3,4 jaitsi zen aurreko irailarekin alderatuta.

Lurralde Historikoei dagokienez, Industri Produkzioaren Indizearen urte arteko bilakaerak ezberdinak izan dira hiru lurraldeetan: Araban %2,4 jaitsi zen, Bizkaian %5,6 igo zen eta Gipuzkoan %7,8ko gorakada izan zuen.

Azkenik, 2006ko irailaren aldean, urriko hil arteko tasak hauek izan dira hiru lurraldeetan: Araban %2,1 jaitsi dira, Bizkaian %0,1 egin dute behera, eta Gipuzkoan %1,8 igo dira.


121 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin